فوتو: شىمكەنت تجد ءباسپاسوز قىزمەتى
«قاراتاۋ اۋدانى گەولوگتار ساياجايىنداعى ارىق سۋىنان 2 جاسار ءبۇلدىرشىننىڭ ءمايىتى تابىلدى. تەرەڭدىگى 50 سم, ەنى 1,5 مەتر بولاتىن سۋارۋ ارىعىنا تۇسكەن تۇرعىندار 2021 جىلى تۋعان بالانىڭ دەنەسىن سۋدان الىپ شىقتى», دەلىنگەن قالالىق تجد ءباسپاسوز قىزمەتى تاراتقان حابارلامادا.
ەكىنشى وقيعا اباي اۋدانىنىڭ الماتى تاس جولى بويىندا بولعان. كوشەدەن ءوتىپ بارا جاتقان ادامدار قالالىق تازارتۋ جۇيەسىنەن ءبىر جاستاعى قىزدىڭ ءمايىتىن بايقاعان. تازارتۋ جۇيەسىنىڭ تەرەڭدىگى 40 سم, ەنى 1 مەتردى قۇرايدى.
«ەكى جاعدايدا دا بۇلدىرشىندەر اتا-اناسىنىڭ قاراۋىنسىز قالعان. سوندىقتان بالالاردى قاراۋسىز قالدىرماۋدى سۇرايمىز», دەپ قوستى قالالىق تجد وكىلدەرى.
