اگەنتتىكتىڭ حابارلاۋىنشا, تاراتۋ پروتسەسىندە تۇرعان اتالعان 9 بانكتىڭ ليتسەنزيالارى 2007 جىلدان 2021 جىلعا دەيىنگى كەزەڭدە كەرى قايتارىپ الىندى. اتاپ ايتقاندا, بۇلار – ۆاليۋت-ترانزيت بانك (تاراتۋ – 2007 جىلعى 1 ناۋرىزدان باستاپ); قازينۆەستبانك (2018 جىلعى 24 قاڭتاردان باستاپ); Delta Bank (2018 جىلعى 25 ساۋىردەن باستاپ); Qazaq Banki (2018 جىلعى 12 جەلتوقساننان باستاپ); استانا بانكى (2019 جىلعى 9 قاڭتاردان باستاپ); ەكسيمبانك قازاقستان (2019 جىلعى 16 قاڭتاردان باستاپ); Tengri Bank (2021 جىلعى 15 اقپاننان باستاپ); AsiaCredit Bank (2021 جىلعى 22 شىلدەدەن باستاپ); CapitalBank Kazakhstan (2021 جىلعى 5 قازاننان باستاپ).
«تاراتىلاتىن بانكتەردىڭ تاراتۋ ءوندىرىسىنىڭ بارىسى تۋرالى اقپارات توقسان سايىن اگەنتتىكتىڭ رەسمي سايتىندا «قارجى نارىقتارى – بانك سەكتورى – تاراتۋ ۇدەرىسى – تاراتۋ پروتسەسىنىڭ اعىمداعى مارتەبەسى تۋرالى اقپارات» بولىمىندە ورنالاستىرىلادى. بيىل 1 شىلدەدەگى جاعداي بويىنشا تاراتىلاتىن بانكتەر بويىنشا وزەكتى اقپارات سايتتا 14 شىلدەدە ورنالاستىرىلدى. وسىعان بايلانىستى تاراتۋ ۇدەرىسى جۇمىس ىستەپ تۇرعان 21 ەكىنشى دەڭگەيدەگى بانككە قاتىستى ەمەس, ليتسەنزيالارى 2007-2021 جىلدارى قايتارىپ الىنعان باسقا 9 بانككە قاتىستى جۇرگىزىلەدى. جۇمىس ىستەپ تۇرعان 21 ەكىنشى دەڭگەيدەگى بانكتەن ليتسەنزيالاردى كەرى قايتارىپ الۋ جوسپارلانىپ وتىرعان جوق», دەلىنگەن رەسمي مالىمدەمەدە.
قازىرگى ۋاقىتتا ەلىمىزدە بانك سەكتورىندا 21 ەكىنشى دەڭگەيدەگى بانك بار, ونىڭ ىشىندە 12 بانك شەتەلدىڭ قاتىسۋىمەن, ونىڭ 8-ءى – ەنشىلەس بانك.
بۇگىنگى تاڭدا بانك سەكتورى تۇراقتى, بانكتەر بارلىق پرۋدەنتسيالىق نورماتيۆتەردى ورىنداۋدا. بانك سەكتورىنىڭ اكتيۆتەرى 46,6 ترلن تەڭگەنى قۇرايدى. ەكىنشى دەڭگەيدەگى بانكتەردە 13,7 ترلن تەڭگەنى نەمەسە جيىنتىق اكتيۆتەردىڭ 29,4%-ىن قۇرايتىن وتىمدىلىگى جوعارى اكتيۆتەردىڭ ەلەۋلى قورى بار. بوس وتىمدىلىكتىڭ بولۋى بانكتەرگە ءوز مىندەتتەمەلەرىن تولىق كولەمدە ورىنداۋعا مۇمكىندىك بەرەدى.
بانك سەكتورىنىڭ مەنشىكتى كاپيتالى – 5,7 ترلن تەڭگە. قارجى ينستيتۋتتارىنىڭ نەگىزگى كاپيتالىنىڭ جەتكىلىكتىلىك كوەففيتسيەنتى (k1) 18,6%-دى, مەنشىكتى كاپيتالىنىڭ جەتكىلىكتىلىك كوەففيتسيەنتى (ك2) 21,4%-دى قۇرادى, بۇل زاڭنامادا بەلگىلەنگەن نورماتيۆتەردەن (min. تيىسىنشە 5,5% جانە 8%) ايتارلىقتاي اسىپ كەتەدى جانە بانك سەكتورىنداعى ىقتيمال تاۋەكەلدەردى وتەۋدى قامتاماسىز ەتەدى.
سونىمەن قاتار كرەديت پورتفەلىنىڭ ساپاسى تۇراقتى بولىپ قالىپ وتىر. جۇمىس ىستەمەيتىن NPL قارىزداردىڭ ۇلەسى نەسيە پورتفەلىنىڭ 3,6%-ىن قۇرادى. جۇمىس ىستەمەيتىن كرەديتتەردى پروۆيزيالارمەن وتەۋ جوعارى دەڭگەيدە قالىپ, 77,4%-دى قۇرايدى.
