دوستىق – ماڭگى گۇلدەيتىن داراق

كوكشەدە قازاقستان حالقىنىڭ بىرلىگى مەرەكەسىن تاۋەلسىزدىك الاڭىندا قارسى الۋ ءداستۇرى قالىپتاسقان. بيىلعى مەرەكە ء“بىز – قازاقستان حالقىمىز” اتتى حورەوگرافيالىق كىرىسپەمەن باستالعانى, كوك توسىندە قۋانىشتى كوڭىلدەردىڭ جارشىسىنداي, اق قانات كوبەلەكتەر قالىق­تاعانى وزىندىك ءبىر ادەمى جاراسىپ تاپقان-تىن. قۋاناتىن دا جايىمىز بار ەدى. جىلىمىز جاقسى باستالدى. وبلىستا جاڭادان 1640 جۇمىس ورنى قۇرىلىپ, ەڭبەكاقىنىڭ جالپى كو­لەمى 10,8 پايىزعا ارتتى. بۇقارانى قوز­عا­لىسقا تۇسىرگەن شاعىن جانە ورتا بيزنەس نى­سانىندا 35 مىڭ ادام تۇراقتى تابىس تابۋدا. ەل­باسى جولداۋىمەن جىگەرلەنگەن ءوڭىر بيىل 5634 ميلليون تەڭگەنىڭ 135 يننوۆاتسيالىق جو­باسىن جۇزەگە اسىرۋعا كىرىستى. ءوندىرىس ورىن­دا­رىندا 129 تەندەرلىك بايقاۋ وتكىزىلىپ, 105 ءوزارا ءتيىمدى كەلىسىم-شارتتار ءتۇزىلدى. قارىمى وسكەن وبلىس ۇستىمىزدەگى جىلى نەگىزگى كاپيتالعا 12,9 ميلليارد تەڭگە ينۆەستيتسيا جۇمىل­دى­را­تىن بولادى. بۇل بىلتىرعىدان 4,3 ميلليارد تەڭگەگە كوپ. كوكتەمگى دالا جۇمىستارى دا قار­قىن­دى باستالىپ كەتتى. مۇنىڭ بارلىعى جاقسى ۇمىتكە جەتەلەيدى. بارىنەن دە ەلىمىزدە تى­نىش­تىق, بەيبىت ءومىر, الاڭسىز تىرشىلىك قامتاماسىز ەتىل­گەن. مىنە, حالقىمىز دوستىق, ىنتىماق تو­يىن وسىنداي سىرناي سەزىممەن وتكىزگەن بو­لا­تىن. ءبارىنىڭ جۇزدەرى جارقىن, قۇشاقتارى ىس­تىق ەدى. وبلىس اكىمى سەرگەي دياچەنكو قۇتتىقتاۋ ءسوزىن: ء“بىزدىڭ كۇشىمىز – بىرلىكتە!” دەپ قازاق تى­لىندە باستاپ, تولعانىستى ويلار وربىتكەنى دە كوڭىل وسىرگەن-ءتىن. ويتكەنى, بىرلىگى بار ەلدىڭ جۇرەگى دە بىرگە سوعادى. تى­نىش­تىق پەن اۋىز­بىر­لىكتىڭ ءتۇپ تامىرى ەلباسى نۇرسۇلتان ءابىش­ ۇلى نازار­باەۆ­تىڭ سا­رابدال ساياساتى­نىڭ جەمىسى دەگەن ءتۇيىن جا­سال­عان بولاتىن. شىن­دىعىندا, تاۋەلسىزدىككە قول جەتكىزگەن 19 جىل ىشىندە قوعامدى دە­موكراتيالاندىرۋ, ەتنو­س­ارالىق كەلىسىمدى نى­عايتۋ باعىتىنداعى بار­لىق باستامالار تۇڭ­عىش پرەزيدەنتىمىزدىڭ ەسىمىمەن تىعىز باي­لا­نىستى. حالقىمىز مۇل­دەم جاڭا تۇر­پاتتاعى ەل بىرلىگى دوكتريناسىن تۋ ەتىپ كوتەردى. ەلباسى ن.نازارباەۆ قازاقستان حالقىنا ارناعان جولداۋىندا: ء“بىز قازىعى بەرىك, مەملەكەتتىگى بەكەم, ءتورت قۇبىلاسى ساي قازاق ەلىنىڭ ايبىنىن اسىرىپ, اتاعىن الەمگە ايگىلەدىك” دەگەندە, الداعى جاۋاپكەرشىلىكتىڭ زور­لىعىن مەڭزەگەنى انىق. سول الاقاي مە­رە­كەنىڭ ءون بويىندا وسىناۋ سالماقتى سەزىم مەن سەنىم ايقىن بايقالىپ تۇرعانىنا ماساتتانعان ەدىك. ناۋان حازىرەت اتىنداعى ورتالىق مە­شىت­تىڭ باس يمامى قانات قويانبەك ۇلى, ۇلى وتان سوعى­سىنىڭ ارداگەرى, ماسكەۋدە وتكەن بيىلعى جەڭىس شەرۋىنە قاتىسۋشى بالتاش سەيىتوۆ, قازاقستان حالقى اسسامبلەياسىنىڭ مۇشەسى, “يستوكي” سلا­ۆيان مادەني-اعارتۋ قوعامىنىڭ ءتو­رايىمى گا­لينا بۋلىچەۆا جەرلەستەرىن جا­لىن­دى سوزدەرىمەن, اق جارىلقاپ تىلەكتەرىمەن قۇتتىقتاعان بولاتىن. بۇگىنگى كۇنى وبلىس اۋماعىندا 38 ەتنو­ما­دەني بىرلەستىك جۇمىس ىستەيدى. ولار كوك­تەمنىڭ جارقىن مەرەكەسىندە ەتنوسارالىق قا­رىم-قا­تىناس پەن ەلىمىزدەگى تۇ­راق­تى­لىق­تىڭ ۇيت­قى­سى بولىپ وتىرعاندىعىن ونەرىمەن دە, كول-كوسىر داستارقان مازىرىمەن دە, كىر­شىك­سىز كو­ڭى­لى­مەن دە دالەلدەپ بەرگەنىن عانيبەت ساناعانبىز. كوكشەتاۋ – ونەر ولكەسى. وسىنداي مەي­رام­داردا تاۋەلسىزدىك الاڭىنىڭ ساحناسى ءجۇز ۇلتتىڭ جاراسىمدى اۋەزىمەن, وتتى دا نازىك بي ناقىشتارىمەن بيىكتەپ تۇرادى. مۇندا قالالىقتارمەن بىرگە, اۋدانداردىڭ تاڭداۋلى ونەرپازدارى كوپشىلىكتىڭ كوڭىلىن اسقاقتاتا كوتەرىپ جۇرگەنىن ايتقىمىز كەلەدى. باقبەرگەن امالبەك. اقمولا وبلىسى.