پارلامەنتشىلەر «اقباۋىر مۇراجاي-ارحەولوگيالىق كەشەنىن» ارالادى جانە اۋىل شارۋاشىلىعى سالاسىنىڭ وكىلدەرىمەن كەزدەستى. كەزدەسۋگە قاتىسۋشىلار سالانىڭ پروبلەمالىق ماسەلەلەرىن, سونىڭ ىشىندە بيە ءسۇتىن ءوندىرۋ جانە قايتا وڭدەۋ قۇنىنا سۋبسيديا بەرۋ, اۋىل شارۋاشىلىعى تەحنيكاسىنا نەسيە بەرۋدى سۋبسيديالاۋ پايىزىن قايتا قاراۋ ماسەلەلەرىن تالقىلادى.
سەناتورلار سونىمەن قاتار شىعىس قازاقستان وبلىسىنداعى سامارا اۋدانىنىڭ سامار اۋىلىندا بولىپ, اۋداننىڭ اۋىل شارۋاشىلىعى تاۋار وندىرۋشىلەرىمەن كەزدەستى, سونداي-اق «ليك» شارۋا قوجالىعىنىڭ قىزمەتىمەن تانىستى.
* * *
پارلامەنت سەناتىنىڭ دەپۋتاتى ساكەن ارۋباەۆ جامبىل وبلىسىنداعى تۇرار رىسقۇلوۆ اۋدانىندا اقتوعان شارۋا قوجالىعىنىڭ قىزمەتكەرلەرىمەن كەزدەسىپ, وزەكتى ماسەلەلەردى تالقىلادى.
ءىس-شارادا اۋىل شارۋاشىلىعىن ودان ءارى دامىتۋ جانە ونىڭ كەلەشەگىن, سونداي-اق سالا بويىنشا قولدانىستاعى زاڭنامانى جەتىلدىرۋ جايى ءسوز بولدى. ساكەن ارۋباەۆ جاقسىلىق اۋىلىنداعى «نۇر-اي» بوبەكجاي باقشاسىنىڭ قىزمەتىمەن جانە قۇلان اۋىلىنداعى جاڭا مەكتەپ قۇرىلىسىنىڭ قازىرگى سالىنۋ بارىسىمەن دە تانىستى.
دەپۋتات مەركى اۋدانىندا «بالاۋسا» بوبەكجاي باقشاسىندا, «ترانسفەر» شارۋا قوجالىعىندا بولىپ, قايىڭدىساي اۋىلىنداعى وقۋ ورنى قۇرىلىسى تۋرالى مالىمەتتى تىڭدادى.
سەناتور, سونىمەن قاتار مەركى اۋداندىق ءماسليحاتىنىڭ دەپۋتاتتارىمەن دە كەزدەستى. جۇزدەسۋ بارىسىندا اۋداننىڭ وزەكتى ماسەلەلەرى, اتاپ ايتقاندا, مال جانە وسىمدىك شارۋاشىلىعىن وركەندەتۋ جايى تالقىلاندى.
* * *
سەنات دەپۋتاتى ساعىندىق لۇقپانوۆ اتىراۋ وبلىسىندا اۋداندىق ءماسليحات دەپۋتاتتارىمەن, كاسىپكەرلەرمەن جانە كوكتوعاي, ەسبول, جارسۋات, اق جايىق, ەڭبەكشىل جانە ماحامبەت ەلدى مەكەندەرىنىڭ تۇرعىندارىمەن كەزدەستى.
سەناتور جۇزدەسۋلەر بارىسىندا پالاتا قىزمەتىنىڭ قورىتىندىلارى تۋرالى حاباردار ەتتى جانە وتكەن سەسسيا بارىسىندا قابىلدانعان زاڭدارداعى نەگىزگى جاڭالىقتارعا جان-جاقتى توقتالدى. كەزدەسۋگە قاتىسۋشىلار ءماسليحات دەپۋتاتتارىنىڭ وڭىردەگى دەنساۋلىق ساقتاۋ جۇيەسىن, جول جانە اۋىز سۋمەن قامتاماسىز ەتۋدى جەتىلدىرۋ جونىندەگى ۇسىنىستارىن جانە جەرگىلىكتى تۇرعىندار ايتقان وزەكتى ماسەلەلەردى تالقىلادى.
دەپۋتات, سونىمەن قاتار «يسپۋسينوۆ», «داستان» شارۋا قوجالىقتارىنىڭ, «جۇماعاليەۆا ن» پوليكاربوناتتان جاسالعان وندىرىستىك جىلىجاي كەشەنىنىڭ جۇمىسىمەن, سونداي-اق «JoiPark» ويىن-ساۋىق ورتالىعى جانە «Saida» ساۋدا ورتالىعىمەن دە تانىستى.
ساعىندىق لۇقپانوۆ ساپار اياسىندا اۋىل تۇرعىندارىمەن جۇزدەستى جانە شاعىن ەلدى مەكەندەردىڭ پروبلەمالارىمەن تانىستى. اتىراۋ وبلىسى اۋىلدارىنىڭ پروبلەمالارى ۇنەمى ونىڭ نازارىندا ەكەنىن جانە ولاردى شەشۋ جولىنداعى جۇمىستى جالعاستىرا بەرەتىنىن اتاپ ءوتتى.
* * *
پارلامەنت سەناتىنىڭ دەپۋتاتى جازعى كانيكۋل الدىندا اندرەي لۋكين استانا قالاسى ءماسليحاتىنىڭ دەپۋتاتتارىمەن جانە ەلوردا تۇرعىندارىمەن كەزدەستى.
كەزدەسۋدە ءماسليحات دەپۋتاتتارى 2023 جىلدىڭ ءبىرىنشى جارتىجىلدىعىنىڭ قورىتىندىسى بويىنشا اتقارىلعان جۇمىستار تۋرالى سەناتورعا ايتىپ بەردى. سەناتور اندرەي لۋكين ءوز كەزەگىندە سەناتتا جۇرگىزىلىپ جاتقان زاڭنامالىق جۇمىستىڭ بارىسى تۋرالى كەزدەسۋگە قاتىسۋشىلاردى حاباردار ەتتى.
«پارلامەنت VIII شاقىرىلىمنىڭ I سەسسياسى بارىسىندا جالپى العاندا 25 زاڭ اكتىسىن قابىلدادى. سونداي-اق VIII شاقىرىلىمنىڭ I سەسسياسى اياسىندا ء«وڭىر» دەپۋتاتتىق توبىنىڭ جۇمىسى قارقىن الا ءتۇستى جانە قۇرامى جاڭارتىلدى. جەرگىلىكتى وكىلدى ورگاندارمەن ءوزارا ءىس-قيمىل جونىندەگى كەڭەس قايتا ۇيىمداستىرىلدى, ونىڭ قۇرامىنا ءماسليحاتتاردىڭ بارلىق توراعالارى ەنەتىن بولدى. كەڭەستىڭ ماقساتى مەن مىندەتى دە ناقتىلاندى. سونىمەن قاتار 30 ناۋرىزدا سەنات توراعاسىنىڭ جەتەكشىلىك ەتۋىمەن ء«وڭىر» دەپۋتاتتىق توبىنىڭ جاڭارتىلعان قۇرامداعى ءبىرىنشى وتىرىسى ءوتتى. وندا سەناتورلار VIII سايلانعان پارلامەنتتىڭ I سەسسياسىنىڭ اشىلۋى بارىسىندا مەملەكەت باسشىسى قاسىم-جومارت توقاەۆتىڭ ەلىمىز پارلامەنتى مەن ۇكىمەتىنىڭ الدىنا قويعان مىندەتتەرىن تالقىلادى», دەپ اتاپ ءوتتى اندرەي لۋكين.
سەناتور استانا قالاسىنداعى «ەسىل», «الماتى», «بايقوڭىر», «سارىارقا» جانە «نۇرا» اۋداندارى پروكۋراتۋرالارىنىڭ قىزمەتكەرلەرىمەن دە كەزدەستى. ولاردىڭ قىزمەتىمەن, ماتەريالدىق تەحنيكالىق جابدىقتالۋىمەن, ەلوردا اۋداندارىنداعى قاداعالاۋ مەكەمەسى مەن قۇقىقتىق ءتارتىپتىڭ جۇمىسىمەن تانىستى. دەپۋتات ءوز سوزىندە بيىلعى ناۋرىز ايىنان باستاپ پارلامەنتتىك كورپۋس پەن باس پروكۋراتۋرانىڭ بىرلەسە وتىرىپ ناتيجەلى جۇمىس اتقارعانىن اتاپ ءوتتى.
