ەلىمىزدەگى مەرەكەلەردىڭ جاڭا ءتىزىمى بەكىتىلدى

- «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسى وسى قاۋلىعا قوسىمشاعا سايكەس جاڭا رەداكتسيادا جازىلسىن, دەپ جازىلعان ۇكىمەت قاۋلىسىندا.

قوسىمشاعا سايكەس جاڭا تىزىمدە 19 مەرەكە بار:

1. اۋعانستان دەموكراتيالىق رەسپۋبليكاسىنان كەڭەس اسكەرلەرىنىڭ شەكتەۋلى كونتينگەنتىنىڭ شىعارىلعان كۇنى – 15 اقپان;

2. العىس ايتۋ كۇنى – 1 ناۋرىز;

3. انالار كۇنى – مامىردىڭ ەكىنشى جەكسەنبىسى;

4. ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى – 31 مامىر;

5. قازاقستان رەسپۋبليكاسىنىڭ مەملەكەتتىك رامىزدەرى كۇنى – 4 ماۋسىم;

6. اكەلەر كۇنى – ماۋسىمنىڭ ءۇشىنشى جەكسەنبىسى;

7. ۇلتتىق دومبىرا كۇنى – شىلدەنىڭ ءبىرىنشى جەكسەنبىسى;

8. اباي كۇنى – 10 تامىز;

9. سپورت كۇنى – تامىز ايىنىڭ ءۇشىنشى جەكسەنبىسى;

10. سەمەي يادرولىق سىناق پوليگونىنىڭ جابىلاتىن كۇنى – 29 تامىز;

11. ءبىلىم كۇنى – 1 قىركۇيەك;

12. وتباسى كۇنى – قىركۇيەكتىڭ ەكىنشى جەكسەنبىسى;

13. قازاقستان حالقى تىلدەرى كۇنى – 5 قىركۇيەك;

14. ەڭبەك كۇنى – قىركۇيەكتىڭ سوڭعى جەكسەنبىسى;

15. قارتتار كۇنى – 1 قازان;

16. نان كۇنى – 16 قازان;

17. ەنەرگيانى ۇنەمدەۋ كۇنى – 11 قاراشا;

18. ۇلتتىق ۆاليۋتا – تەڭگە كۇنى – 15 قاراشا;

19. قازاقستان رەسپۋبليكاسىنىڭ تۇڭعىش پرەزيدەنتى كۇنى – 1 جەلتوقسان.

ايتا كەتەيىك, بۇل مەرەكەلىك تىزىمنەن بارلىق كاسىبي مەرەكەلەر الىندى.

دەگەنمەن مەرەكەلىك كۇندەر اكەلەر كۇنىمەن تولىقتىرىلدى.