«قازاقستان اسكەري تەحنيكانى رەسەي فەدەراتسياسىنا جونەلتىپ جاتىر دەگەن مالىمەتتەر شىندىققا جاناسپايدى. اتالعان اسكەري تەحنيكانىڭ قازاقستان رەسپۋبليكاسىنا قاتىسى جوق, بۇل حالىقارالىق ۋاعدالاستىقتار شەڭبەرىندە قازاقستان اۋماعى ارقىلى رەسەيگە جوسپارلى جوندەۋ جۇرگىزۋ ءۇشىن جىبەرىلىپ جاتقان ءۇشىنشى ەلدىڭ مەنشىگى بولىپ تابىلادى», دەلىنگەن مينيسترلىكتىڭ مالىمدەمەسىندە.
سوعان قوسا, قورعانىس مينيسترلىگى بىلتىرعى جىلدىڭ 27 تامىزىنان باستاپ قازاقستاندا قارۋ-جاراق پەن اسكەري تەحنيكانى ەكسپورتتاۋعا تىيىم سالىنعانىن ەسكە سالا كەلە, ازاماتتاردان نەگىزسىز ماتەريالدارعا ەمەس, رەسمي دەرەككوزدەرگە عانا سەنۋدى سۇراپ وتىر.
