وتانسۇيگىشتىك وتباسىنان باستالادى

بۇرناعى كۇنى ەكى­باس­تۇزدا باستالعان رەس­پۋبلكالىق ءىىى پات­ريوتتار فورۋمى كەشە, قر مەملەكەتتىك رامىزدەر كۇنىندە وبلىس ور­تالىعىندا جالعاستى. “بىرلىگىمىز جا­راسقان!” اتتى رەسپۋبليكالىق جاس­تار فورۋمىنا ەلىمىزدىڭ ءار وبلى­سىنان توپ-توپ بولىپ, جۇزدەرى جارقىن الاۋ جاستىق كوڭىلمەن مىڭعا تارتا ستۋدەنت جاستار كەلدى. ەلىمىزدىڭ ەگەمەندىگى مەن ەل­دى­گىن پاش ەتەتىن مەملەكەتتىك رامىز­دە­رىمىزدى ارداقتايتىن وتانسۇيگىش جاستار شەرۋى ەرتىس وزەنى جاعا­لاۋىنان باستالدى. كوك بايراق تۋدى كوتەرىپ, پاتريوت جاس­تار وبلىس ورتالىعىندا “داڭق” الاڭىنا كەلىپ, باتىرلار رۋحىنا تاعزىم ەتتى. ۇلتتىق رامىزدەر ەلىمىزدىڭ وتكەنى جانە بولاشاعى اراسىنداعى ساباقتاستىقتى بىلدىرەدى. حالقىمىزدىڭ رۋحىن, ۇلتتىق ساناسىن, قاھارماندىعىن, دانالىعىن ايشىقتايتىن ەلىمىزدىڭ جاڭا تاريحىنىڭ قاستەرلى بەتتەرى دەۋگە بولادى. ەندەشە, جاستاردى پاتريوتتىق سەزىمگە تاربيەلەۋدە ونىڭ ءمان-ماعىناسىن ءتۇسىندىرۋىمىز كەرەك. فورۋمنىڭ دا كوزدەگەن ماقساتى وسى, دەيدى قازاقستان جاستار كون­گرەسىنىڭ اتقارۋشى ديرەكتورى نۇرلان سىدىقوۆ. “بىر­لىگىمىز جاراسقان!” فورۋمى اياسىندا جاستار شەرۋى ۇيىم­داستىرىلدى. ماقساتى – ءاربىر جاستىڭ بويىندا ءوزىنىڭ وتانىنا دەگەن, ءوزى ەلىنىڭ رامىزدەرىنە دەگەن قۇرمەت سەزىمىن وياتۋ. ءيا, وتاننىڭ ءوزى وسى جەلبىرەگەن كوك تۋدان, ەلتاڭبادان, ءانۇراننان باستالادى. بۇگىن ولار­دىڭ جۇزدەرىندە ەرەكشە ءبىر تولقۋ بار. ءبىر مەزەتتە بۇكىل ەلىمىزدىڭ جاستارى ورىنداعان ءانۇران ءبىزدىڭ وبلىس ورتا­لىعىندا دا شىرقالدى. “مەنىڭ ەلىم, مەنىڭ قازاق­ستانىم!” دەگەن سوزدەر تۋعان جەرگە دەگەن سۇيىسپەن­شىلىكتى اسقاقتاتىپ, بولاشاققا دەگەن سەنىمدىلىككە شاقىرادى. وتانعا دەگەن شەكسىز قۇرمەتتى ءبىر-اق سوزگە سىيعىزىپ تۇر. “مەن بىرلىگى جاراسقان ەلدىڭ ۇلانىمىن!” دەگەن جاستار شەرۋى “داڭق” الاڭىنا كەلىپ جەتتى. وسى جەردە حالىق قاھارمانى باقىتجان ەرتاەۆ ءسوز سويلەدى: ء“بىزدىڭ بابالارىمىز جەڭىس الىپ كەلدى. ءبىز تاريحقا باس يەمىز. ەلىمىز جاساسىن, جاستار وسى جولدى جالعاس­تىرسىن!” – دەدى اۋعان سوعىسىنىڭ ارداگەرى. بۇل كۇندەرى ەلىمىزدىڭ كوك بايراعى باسقا دا تاۋەلسىز مەملەكەتتەردىڭ تۋلارىمەن قاتار بىرىككەن ۇلتتار ۇيىمىنىڭ نيۋ-يوركتەگى شتاب-پاتەرىندە جەلبىرەپ تۇر. وليمپيادا كەزىندە ەلىمىزدىڭ سپورتشىلارى جە­ڭىستىڭ قۇرمەتىنە كوتەرىلەدى. ەلتاڭبامىز ۇلتتىق تەڭ­گەمىزدە بەينەلەگەن. مەملەكەتتىك رامىزدەر عارىش­كەر­لەرمەن بىرگە كوك جۇزىندە, عارىشتا دا بولىپ قايتتى. مىنە, وسىنداي قۇندىلىقتاردى جاستار بىلۋلەرى ءۇشىن جىل سايىن رامىزدەر كۇنى اتالىپ وتىلەدى. جىگەرلى جاستاردىڭ مەرەكەلىك شەرۋى ەلىمىزدىڭ قۇنىدىلىق­­تارىن قاستەرلەپ, مارتەبەسىن اسقاقتاتىپ, جاستاردى ءبىر جەرگە توپتاستىردى ءبارى دە وسى ءبىر كۇننىڭ شىنايى ءمانىن ۇعىپ, قولدارىنا ۇستاعان كوك تۋلارىن جەل­بىرەتىپ, اسەم جاعالاۋدى ناعىز پاتريوتتار مەرەكەسىنە اينالدىردى. شەرۋگە قاتىسقان جاستار رامىزدەر كۇنى بىرلىكتىڭ, تاتۋلىقتىڭ, دوستىقتىڭ مەكەنى – ەلىمىزگە ارناپ اندەر شىرقادى. سونىمەن قاتار, “كوك بايراق تۋىمىز”, “ماڭگىلىك ەلتاڭبا”, “قاسيەتتى ءانۇران” دەپ اتالعان شەرۋ باعىتىمەن مەملەكەتتىڭ ەلدىك, ەگەمەندىك ۇلىق بەلگىلەرىن كوتەرىپ, وبلىس ورتالىعىنىڭ كوشە­لەرىن ارالاپ ءجۇرىپ, “استانا” مۇز ايدىنى سارايىنا كەلدى. وسى جەردە “قازاقستان پاتريوتتا­رى­نىڭ فورۋمىنا” قاتىسۋشىلار – ولار­دىڭ اراسىندا جاستار, ستۋدەنتتەر, ءبىلىمدى سايىسكەر جەڭىمپازدار, سپورتشىلار بار, “بىرگەمىز – بەرىك ىرگەمىز” دەپ وزدەرىنىڭ 2007 جىلدان باستاپ اتالىپ كەلە جاتقان ەلىمىزدىڭ رامىزدەر كۇنىن قۇرمەتتەپ, وعان باس يەتىندەرىن جەتكىزدى. جۇزدەرى بال-بۇل جانعان جاستار, “جاس وتان” جاستار قا­ناتىنىڭ مۇشەلەرى كەۋدەلەرىنە قولدارىن قويىپ, كوك تۋدىڭ قاسىنا كەلىپ تۇردى. ء“بىز – جاس پاتريوتتار ەلىمىزدىڭ كوك تۋ­ىن ارقاشان بەرىك قولدا مىقتى ۇ­س­­تايمىز, وتان – بىرەۋ, جاستار ارقاشان سە­نىمەن بىرگە”, دەستى ولار. ەكىنشى قاتارعا ساح­نا تورىنە سپورتشىلار ەلەنا حرۋستا­لەۆا, مۇحتارحان دىلدابەكوۆ, اۋعان سوعىسىنىڭ اردا­گەرى باقىتجان ەرتاەۆ, جەرلەسىمىز, بەيبىت كۇنى ەرلىك كورسەتكەن, شەنى كاپيتان جەرلەسىمىز قادىرجان قازى­باەۆ, اتاقتى ءانشى روزا رىمباەۆا شاقىرىلدى. ءانشى: “وتانىن سۇيەتىن وسىنداي پاتريوتتارى بار ەل باقىت­تى”, – دەدى. را­سىندا دا, ءبىرى اسەم اندەرىمەن, ءبىرى سپورتتاعى جەڭى­سىمەن ەلدىڭ تۋىن, رۋحىن بيىك كوتەرگەن, ەندى ءبىرى وتا­نىن قورعاپ باتىر اتانعان پاتريوتتتار, مىنە, وسىلاي جاستارعا ۇلگى-ونەگە بولۋدا. ءۇشىنشى قاتارعا جاقىندا عانا جەڭىس مەرەكەسىن اتاپ وتكەن سوعىس ارداگەرلەرى كەلىپ قوسىلدى. ءۇش ۇرپاق وكىلدەرى وسىلاي توعىستى. بارلىعىنا دا ەلباسى نۇرسۇلتان نازارباەۆتىڭ “قازاقستان جولى” كىتابى سىيعا تارتىلدى. رامىزدەر كۇنى قۇرمەتىنە شىعارىلعان ارنايى قۇرمەتتى بەلگىلەرمەن ماراپاتتالدى. ءبىز وسى جەردە سولتۇستىك قازاقستان وبلىسىنان كەل­گەن دينارا بەرىكقىزىمەن پىكىرلەستىك. ول: “جۇرەگى جەرىم, ەلىم دەپ سوققان ءاربىر پاتريوت جاس ءۇشىن بۇل كۇن ەرەكشە كۇن دەپ ويلايمىن. وسىنداي مەرەكە كۇنىنىڭ بولعانى كەرەك, رامىزدەردىڭ قانداي قاسيەتى بارىن ءاربىر جاس ۇعىنىپ, ونى قادىرلەپ ءوسۋى ءتيىس, پاتريوتتىق دەگەن جاي عانا ءسوز ەمەس, ءوزىڭ ءومىر سۇرگەن ەل ءۇشىن قىزمەت جاساۋ, كەرەك كەزىندە باقىتجان اعا­لارداي كۇرەسە دە ءبىلۋ”, – دەدى. كەرەكۋلىك جىگىت ەركە­بۇ­لان الدابەرگەنوۆ بولسا: “مەن ءوزىمدى ەلىمنىڭ شى­نايى پاتريوتىمىن دەپ سانايمىن. وزبەكستاننان كو­شىپ كەلدىك, ارينە, قازاعىم, ەلىم, جەرىم دەپ كەلدىك, ەن­دى وسى ەلدىڭ بىرلىگى, بولاشاعى ءۇشىن قىزمەت جا­ساي­مىن, مىنا جاستار انا تىلدەرىن ءسۇيسىن, قۇرمەتتەسىن, بارلىعى سول ءتىلدى سۇيۋدەن باستالادى عوي”, – دەدى. كەڭ ەكراننان ەلىمىز تۇرعىندارىنىڭ بىرلىگىن اي­قىندايتىن كورىنىستەر كورسەتىلدى. ەلىمىزدىڭ ءار وب­لى­سىمەن تىكەلەي بايلانىسقا شىققان جۇرگىزۋشىلەر ار­قى­لى پەتروپاۆل-شىمكەنت, اتىراۋ, وسكەمەن قالا­لارىندا ءوتىپ جاتقان فورۋم ماقساتىنا ساي سول جەر­لەردە تۇراتىن ەلىن, جەرىن سۇيگىش ەل پاتريوت­تارىنىڭ جۇرەكجاردى لەبىزدەرى جاستارعا ارنالىپ جاتتى. ال جاستار ءۇشىن الماتىدان كەلگەن وزدەرىنىڭ سۇيىكتى ورىنداۋشىلارى “مۋزارت” توبى مەن “دومينو” ۇلكەن سىيلىق بولدى. ەل مەن جەرگە دەگەن پاتريوتتىق تاقىرىپتا اندەر ورىنداعان ونەرلى توپتار رامىزدەر كۇنى مەرەكەسىنىڭ ءسانىن دە ءمانىن دە اشا ءتۇستى. فاريدا بىقاي. پاۆلودار.