ءبىلىمنىڭ جاڭا بەلەسىنە

الماتىدا ەلىمىزدىڭ ءبىلىم بەرۋ جۇيەسىن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىنىڭ جوباسىن تالقىلاعان كەڭەس بولىپ ءوتتى. جيىندا ءبىلىم جانە عىلىم ءمينيسترى جانسەيىت تۇيمەباەۆ بۇل جوبانىڭ رەسپۋبليكانىڭ ءبىلىم بەرۋ جۇيەسىندە وسىنشالىقتى ۇزاق مەرزىمگە ارنالعان ءبىرىنشى ستراتە­گيا­لىق قۇجات ەكەندىگىن اتاپ كور­سەتتى. ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى ءبىلىم بەرۋدىڭ بۇكىل جۇيەسىن جەتىلدىرە جاڭالاندىرۋدى كوزدەيدى. ول جاڭاشىلدىق ۇدەرىستەرى قارجى­لان­­دىرۋ سالاسىن دا, سونداي-اق مۇ­عالىمنىڭ مارتەبەسىن كوتەرۋگە, باسقارۋعا, اقپاراتتاندىرۋعا, ءبىلىم مازمۇنىنا بايلانىستى تولىپ جاتقان باسقا ماسەلەلەردى دە قامتيدى. ايتالىق, ءبىلىم بەرۋدى قارجى­لان­دىرۋدىڭ جاڭا تەتىكتەرىن ءازىر­لەۋ پەداگوگ بىلىكتىلىگىن كوتەرۋ ىسىنە ۆاۋچەرلىك قارجىلاندىرۋدى ەنگىزۋدى قاراستىرادى. باعدارلاما قابىلدانعاننان كەيىن مۇعالىمدەر ءوزىنىڭ كاسىبي دەڭگەيىن جەتىلدىرەتىن وقۋ نەمەسە عىلىم مەكەمەسىن وزدەرى تاڭدايدى. مۇعالىم ماماندىعىنىڭ ءمار­تە­بەسىن كوتەرۋ جايىنا كەلسەك, ج.ءتۇي­مەباەۆ بۇل ورايدا پەداگوگ­تار­دىڭ ورتاشا جالاقىسىن ەلىمىز­دەگى ورتا جالاقى دەڭگەيىنە جەتكىزۋ جوسپارلانىپ وتىرعان­دى­عىن ءما­لىم ەتتى. سونداي-اق وقى­تۋ كە­زىندە اعىلشىن ءتىلىن پاي­دالانا­تىن ءپان مۇعالىم­دە­رىنىڭ سانىن كو­بەيتۋ كوزدەلۋدە. 2015 جىلعا دەي­ىن ولار­دى مۇعا­لىمدەردىڭ جال­پى سانىنىڭ 15 پايىزىنا, 2020 جىل­عا قاراي 30 پايىزىنا دەيىن جەت­كىزۋ جوسپار­لانىپ وتىر. مينيستر قازاقستان پرەزي­دەن­تى نۇرسۇلتان نازارباەۆتىڭ قا­تىسۋىمەن وتكەن كەشەگى شەتەل ين­ۆەستورلارى كەڭەسىنىڭ وتىرى­سىن­دا سوڭعى 15 جىلدا قازاق­ستان­­دىق رىنوكتا الەمنىڭ ەڭ بەلگىلى كومپانيالارى بەلسەندى جۇ­مىس ىستەپ جاتقاندىعى ايتىل­عاندىعىن ەسكە سالدى. بىراق ولار ءدال بۇگىنگى كۇنگە دەيىن كادر ءما­سەلەسىندە ۇلكەن قيىنشىلىق­تاردى باستان كەشىرۋدە. وكىنىشكە وراي, ءبىزدىڭ جوعارى وقۋ ور­ىن­دارىمىزدىڭ, كاسىپتىك ليتسەيلەر مەن كوللەدج­دە­رىمىزدىڭ كوپشىلىگى ولاردى حالىق­ارالىق ستاندارت­تارعا جاۋاپ بەرە الاتىن دەڭ­گەي­دەگى ماماندارمەن قامتاماسىز ەتەر­لىك جاعدايدا ەمەس. بۇل جاي­لاردى ج.تۇيمەباەۆ قىنجىلا ءتىل­گە تيەك ەتتى. ءبىلىم بەرۋدى دامىتۋدىڭ 2011-2020 جىلدارعا ارنالعان مەملە­كەتتىك باعدارلاماسىنىڭ جوباسى كەڭەستە كەلەلى تالقىعا تۇسكەننەن كەيىن ءبىلىم جانە عىلىم ءمينيسترى جيىنعا قاتىسقان بارلىق جوو-لاردىڭ, وبلىستىق جانە اۋداندىق وقۋ بولىمدەرىنىڭ باسشىلارىن, اتاقتى عالىمدار مەن جاڭاشىل ۇستازداردى وسىناۋ قۇجاتتى ءوز ۇجىمدارىندا تالقىلاپ, ونى جاقسارتۋ ءۇشىن ناقتى ۇسىنىستار بەرۋگە شاقىردى. ءمينيستردىڭ ءسو­زىنە جۇگىنسەك, ءبىلىم بەرۋ سالاسىن دامىتۋ جالپى قوعامدى دامىتۋ دەگەن ءسوز. سوندىقتان, تالقىلاۋ نە­عۇرلىم ساليقالى بولسا, جاڭا باعدارلاما قوعامنىڭ ارمان-ۇمىتىنە سوعۇرلىم ساي كەلىپ, جاس ۇرپاقتى ءبىلىمنىڭ جاڭا بەلەسىنە جەتەلەمەك. قورعانبەك امانجول.