«قازگيدرومەت» رمك مالىمەتى بويىنشا, 27 شىلدەدە وڭتۇستىك-شىعىستا, 27-28 شىلدەدە باتىستا, وڭتۇستىك-باتىستا, 28-29 شىلدەدە رەسپۋبليكانىڭ سولتۇستىك-باتىسىندا اپتاپ ىستىق بولادى. اۋا تەمپەراتۋراسى +40+43 گرادۋسقا دەيىن جەتەدى.
«الداعى تاۋلىكتەردە اتموسفەرالىق بولىكتەردىڭ ءوتۋى اسەرىنەن قازاقستاننىڭ باسىم بولىگىندە اۋا رايى تۇراقسىز بولادى. نايزاعاي ويناپ, ەكپىندى جەل سوعادى. 28 شىلدەدە سولتۇستىكتە, 28-29 شىلدەدە شىعىستا, وڭتۇستىك-شىعىستا قاتتى جاڭبىر, بۇرشاق جاۋادى. سونىمەن قاتار بۇرقاسىن سوعۋى ىقتيمال», دەلىنگەن حابارلامادا.
ايتا كەتسەك, بيىلعى جاز قازاقستاننىڭ بارلىق دەرلىك وڭىرىنە كوپتەن بەرى بولماعان اپتاپ ىستىقتى اكەلدى.
