وتكەن التى ايدا باقىلاۋ نۇكتەلەرىنەن سانيتارلىق-حيميالىق جانە ميكروبيولوگيالىق كورسەتكىشتەرگە 255 اۋىز سۋ سىناماسى الىندى, ونىڭ ىشىندە سانيتارلىق-حيميالىق كورسەتكىشتەر بويىنشا 11 سىناما سايكەس كەلمەدى: 10 – ينتەرناتسيونالنىي جانە ميچۋرينو ەلدى مەكەندەرىنىڭ ۇڭعىمالارىنداعى قاتتىلىق, قۇرعاق قالدىق جانە مارگانەتس بويىنشا.
ميكروبيولوگيالىق كورسەتكىشتەر بويىنشا 6 سىناما تالاپتارعا سايكەس كەلمەدى (سارىارقا اۋدانىنداعى سۋ جيناۋ باعانالارىنان ىرىكتەلگەن).
«سۋدىڭ ميكروبيولوگيالىق كورسەتكىشتەرىنىڭ سايكەس كەلمەيتىن ناتيجەلەرى بويىنشا «استانا سۋ ارناسى» قىزمەت كورسەتۋشى كومپانياسى الدىن الۋ ءىس-شارالارىنىڭ كەشەنىن – جۋ جانە دەزينفەكتسيالاۋ جۇرگىزدى, سودان كەيىن سۋدىڭ ىرىكتەلگەن باقىلاۋ سىنامالارى بەلگىلەنگەن نورمالارعا سايكەس كەلەدى. كۇن رايى جىلى ۋاقىتتا اشىق سۋ ايدىندارى – ەسىل, اقبۇلاق, سارىبۇلاق وزەندەرى مەن استانا سۋ قويماسى سۋىنىڭ ساپاسىنا مونيتورينگ جۇرگىزىلەدى, ول ءۇشىن تۇرمىستىق سۋ پايدالانۋ ورىندارىندا, رەكرەاتسيا ايماقتارىندا جانە نوسەر شىعارۋلارىنان باقىلاۋ نۇكتەلەرى ايقىندالدى, سونداي-اق سۋبۇرقاقتار سۋىنا مونيتورينگ جۇرگىزىلەدى», دەپ حابارلادى ونلاين-بريفينگتە استانانىڭ باس مەملەكەتتىك سانيتارلىق دارىگەرى سارحات بەيسەنوۆا.
سۋبۇرقاق كەشەندەرىنىڭ سۋىن زەرتحانالىق تۇرعىدا زەرتتەۋ ناتيجەلەرى بويىنشا ماۋسىم ايىندا سانيتارلىق-حيميالىق جانە 1 ميكروبيولوگيالىق كورسەتكىشتەر بويىنشا نورماتيۆتىك ماندەرگە 4 سايكەسسىزدىك انىقتالدى. قازىر ءتيىستى ورگاندار سۋبۇرقاقتاردى تازالاۋ, جۋ جۇمىسىن جۇرگىزۋدە.
مونيتورينگ اياسىندا 2023 جىلى اتموسفەرالىق اۋانىڭ 9591 سىناماسى زەرتتەلدى, شرك ارتۋى كەلەسى ينگرەديەنتتەر بويىنشا 626 سىنامادا انىقتالدى: كۇكىرتسۋتەك, كۇيە, شەكتى كومىرسۋتەكتەر, ازوت ديوكسيدى, كومىرتەگى وكسيدى, كۇكىرت ديوكسيدى.
اتموسفەرالىق اۋانىڭ ەڭ كوپ لاستانۋى قىس مەزگىلىندە بايقالادى, بۇل جىلىتۋ ماۋسىمىنا, جەو-دا جاناتىن وتىن مولشەرىنىڭ ۇلعايۋىنا, جەكە سەكتوردا پەشپەن جىلىتۋدى پايدالانۋعا جانە وتىن ساپاسىنا, اۆتوكولىكتىڭ ۇزاق جۇمىس ىستەۋىنە بايلانىستى بولادى.
