«Chia Tai Pharmaceutical» كومپانياسى ءوزىن ينۆەستيتسيالىق ۇيىم دەپ جاريالاپ, حالىققا جوعارى كولەمدە جانە تۇراقتى تابىس بەرەمىز دەپ ۋادە تاراتقان. بىراق جەكە تۇلعالاردان العان اقشانى كاسىپكەرلىك قىزمەتكە پايدالانباي, قاتىسۋشىلار اراسىندا قايتا بولگەن. قارجى پيراميداسىن ۇيىمداستىرۋشىلار باتىس قازاقستان وبلىسى تۇرعىندارىنان 769 ملن تەڭگە جيناپ ۇلگەرگەن ەكەن.
قازىرگى ۋاقىتتا قارجى پيراميداسىن ۇيىمداستىردى دەگەن كۇدىكتى ۇستالىپ, سوت سانكتسياسىمەن ەكى اي مەرزىمگە قاماۋعا الىنعان.
قارجى مونيتورينگى اگەنتتىگىنىڭ باتىس قازاقستان وبلىستىق دەپارتامەنتى جاقىندا عانا «World Money» كومپانياسىنىڭ وكىلدەرىنە دە «قارجى پيراميداسىن قۇرىپ, ونى باسقاردى» دەگەن ايىپ تاعىپ, سوتقا دەيىنگى تەرگەۋ باستاعان بولاتىن.
بۇل كومپانيا حالىقتى 21 مىڭنان 53 مىڭ تەڭگەگە دەيىنگى قاراجات تولەپ, سوڭىنان WhatsApp جانە Telegram مەسسەندجەرلەرى باسقا قاتىسۋشىلاردى تارتۋعا شاقىرعان ەكەن. 2023 جىلدىڭ قاڭتارىنان بەرى بۇل قارجى پيراميداسىنا 130 ادام تارتىلعان.
قازىر وسى ايتىلعان وقيعالار بويىنشا تەرگەۋ جالعاسۋدا.
