«پرەميۋم مارتەبەسى وتاندىق كومپانيالارعا جاھاندىق اۋديتورياعا قولجەتىمدىلىكتى اشادى, ولاردىڭ حالىقارالىق ساۋدا الاڭىندا تانىمالدىلىعىن ارتتىرۋعا مۇمكىندىك بەرەدى. ءبىر جىل ىشىندە كاسىپكەرلەر تانىمال ماركەتپلەيس ارقىلى ونىمدەردى شەتەلدىك نارىقتارعا قالاي جىلجىتۋ كەرەكتىگىن تەگىن ۇيرەتەدى. بۇدان باسقا, ولار ەكسپورت ۇدەرىسىندە تولىق سەرۆيستىك قىزمەت پەن سۇيەمەلدەۋگە يە بولادى», دەدى «QazTrade» ساۋدا ساياساتىن دامىتۋ ورتالىعى» اق باس ديرەكتورىنىڭ ورىنباسارى اسەل ەگەمبەرديەۆا.
ىرىكتەۋدىڭ ءبىرىنشى كەزەڭىنىڭ قورىتىندىسى بويىنشا وڭدەۋشى سەكتور وكىلدەرىنەن 100-دەن استام ەلەكتروندىق ءوتىنىم كەلىپ تۇسكەن. ولاردىڭ ىشىندە اۋىل شارۋاشىلىعى ونىمدەرىن, دايىن ازىق-ت ۇلىك تاۋارلارىن, ماشينالار مەن جابدىقتاردى, كولىك قۇرالدارىن, اسپاپتار مەن اپپاراتتاردى, سونداي-اق حيميالىق ءونىمدى وندىرۋشىلەر بار. باعدارلاماعا قاتىسۋعا تاۋار وندىرۋشىلەر دە, ساۋدا كومپانيالارى دا ءوتىنىش بەرە الادى. پرەميۋم-شوتتاردى تولەۋدەن باسقا كاسىپكەرلەرگە تەكسەرۋ راسىمىنەن وتۋگە جانە ساۋدا الاڭىندا شاعىن سايتتار قۇرۋعا كومەكتەسەدى, كونسۋلتاتسيالىق قولداۋ كورسەتەدى.
بۇگىندە حالىقارالىق B2B ساۋدا الاڭىندا بيزنەستىڭ بارلىق سەگمەنتتەرى ۇسىنىلعان. سۇرانىسقا يە تاۋارلار اراسىندا «تاماق, سۋسىندار» جانە «اۋىل شارۋاشىلىعى» ساناتتارىنداعى ونىمدەر جەتەكشى ورىن الادى.
اسەل ەگەمبەرديەۆا اتاپ وتكەندەي, وتاندىق ازىق-ت ۇلىك تاۋارلارى قولجەتىمدى باعامەن جوعارى ساپالى ورگانيكالىق ءونىم رەتىندە ءوزىن كورسەتە الدى. مىسالى, 2020 جىلدان باستاپ وتاندىق بال ءونىمى Alibaba ماركەتپلەيسىنىڭ حالىقارالىق سەرىكتەستەرى سۇرانىستارىنىڭ باسىندا تۇر.
«جىل سايىن ءبىزدىڭ تاۋارلارىمىز شانحايدا وتەتىن الەمدەگى ەڭ ءىرى يمپورتتىق Ciie كورمەسىنىڭ الاڭىندا كورسەتىلەدى. قىتاي نارىعىندا قازاقستاندىق كونديتەرلىك ونىمدەر, كامپيتتەر, شوكولاد, ماكارون, كۇنباعىس مايى جانە باسقالارى دا تانىمال», دەدى QazTrade وكىلى.
قازىر Alibaba ساۋدا پلاتفورماسىندا 5 مىڭ وتاندىق تاۋار ورنالاستىرىلعان. وتاندىق كومپانيالاردىڭ ۆ2ۆ ماركەتپلەيس ارقىلى جالپى ساتىلىمى 2020 جىلدان 2022 جىلعا دەيىن 300 ملن دوللاردان اسىپتى.
ەندى الدا ساۋدا جانە ينتەگراتسيا مينيسترلىگىنىڭ قولداۋىمەن حالىقارالىق Alibaba.com ساۋدا الاڭىنا شىعارۋ جونىندەگى باعدارلاماعا قاتىسۋ ءۇشىن قازاقستان كاسىپورىندارى اراسىندا ىرىكتەۋدىڭ ەكىنشى كەزەڭى وتكىزىلمەك. جاڭا ىرىكتەۋ 10 شىلدەدە باستالىپ, 2023 جىلدىڭ 23 شىلدەسىنە دەيىن جالعاسپاق.
ەستەرىڭىزگە سالا كەتەيىك, QazTrade ەكسپورتتاۋشىلاردى قولداۋ شارالارىنىڭ بىرىڭعاي وپەراتورى تاعى ءبىر قىتايلىق ماركەتپلەيسپەن ىنتىماقتاسادى – JD.com. مۇندا 25 قازاقستاندىق برەندتىڭ ونىمدەرى ۇسىنىلدى, مامىر ايىندا تاۋارلاردىڭ قاناتقاقتى پارتياسى رەكوردتىق مەرزىمدە ساتىلدى.
مۇنداي ەلەكتروندى پلاتفورمالاردىڭ تيىمدىلىگىن بۇعان دەيىن پرەزيدەنت قاسىم-جومارت توقاەۆ تا ايتقان بولاتىن:
«قىتاي الەمدىك ليدەر بولىپ وتىرعان ەلەكتروندى كوممەرتسيا سالاسىندا دا ءوزارا ساۋدا ءوسىمى ءۇشىن قوسىمشا مۇمكىندىكتەر بار. Alibaba Group جانە JD COM سياقتى قىتايلىق ينتەرنەت-الپاۋىتتاردا پوتەنتسيال دا, وراسان تاجىريبە دە بار. ورتالىق ازيا ەلدەرىنىڭ باسەكەلى پوزيتسياسىن ەسكەرە وتىرىپ, ونىمدەردى العا قاراي ىلگەرىلەتۋدە قازاقستان ءىرى قىتاي ماركەتپلەيستەرىن پايدالانۋ اۋقىمىن كەڭەيتۋدى ۇسىنادى. جالپى, ءوزارا ساۋدا اينالىمىنىڭ ۇلعايۋ پەرسپەكتيۆاسىن ەسكەرە وتىرىپ قازاقستان جاڭا كەدەن قويمالارىن قۇرۋ جۇمىستارىن جۇرگىزىپ جاتىر. وسىعان بايلانىستى لوگيستيكالىق تۇرعىدا قولايلى بولۋ ءۇشىن بارلىق سەرىكتەستەرىمىزگە ءوز تاۋارلارىن ءبىزدىڭ قويمالاردا ورنالاستىرۋدى ۇسىنامىز. بۇل قىتايدان ورتالىق ازيا جانە كەرىسىنشە باعىتتا تۇتىنۋشىلارىنا تاۋار جەتكىزۋ مەرزىمىن الدەقايدا قىسقارتادى. اتالعان جۇمىستى ء«س5+سھىپا» بىرىڭعاي ەلەكتروندىق ساۋدا پلاتفورماسىن ەنگىزۋمەن سينحرونداۋعا بولادى», دەگەن ەدى مەملەكەت باسشىسى «ورتالىق ازيا – قىتاي» العاشقى سامميتىندە.
الداعى ۋاقىتتا پرەزيدەنت ۇسىنىسى ءتيىستى كۇشىنە ەنەدى جانە سونىڭ ارقاسىندا ەلدەر اراسىنداعى ەلەكتروندى كوممەرتسيا اينالىمى قازىرگىدەن دە الەۋەتتى بولا تۇسەدى دەگەن سەنىم بار.
ايتپاقشى, پرەزيدەنت وسى ءسوزىن ايتقان سامميت قارساڭىندا سيان قالاسىندا «قازپوشتا» مەن قىتايلىق UBI Smart Parcel (Shenzhen) Limited وكىلدەرى كەزدەسىپ, eBay, Alibaba جانە Amazon ەلەكتروندى ساۋدا الاڭدارىنا وتانداستارىمىزدىڭ قولجەتىمدىلىگىن جەڭىلدەتە تۇسەتىن ءتيىستى مەموراندۋمعا قول قويدى.
