ينتەرنەت ءتاريفى دە قىمباتتايدى

Ookla دەرەكتەرىنە سايكەس قازاق­ستاندا 4G قولجەتىمدىلىگى 84,5 پايىزدى قۇرايدى. ال 5G ەندى ەنگىزىلىپ جاتىر. بىراق ەلىمىزدە ينتەرنەت ساپاسىنا قا­تىستى شاعىم كوپ. مەملەكەت باسشىسى قاسىم-جومارت توقاەۆ تا جاۋاپتى مينيستر­گە كوپتىڭ كوكەيىندە جۇرگەن «ينتەر­نەت قاشان ءجوندى جۇمىس ىستەيدى» دەگەن سۇراقتى قويعان بولاتىن. باعدات مۋ­سين بۇعان تاريف ارزان بولعاندىقتان, ينتەر­نەت جىلدامدىعى اقىرىن دەگەن جاۋاپ ايتتى.

– ارزان بايلانىس وپەراتورلار ءۇشىن ءتيىمدى ەمەس ەكەنىن ءتۇسىنۋ ماڭىزدى. بۇل بيزنەس, سوندىقتان بيزنەستى دامىتۋ, ياعني جەلىنى قۇرۋ جانە ساپانى جاقسارتۋ ءۇشىن ينۆەستيتسيا قاجەت. كىرىسپەن بىرگە ينۆەستيتسيالار كەلەدى. ەگەر تابىس تومەن بولسا دامۋ ءۇشىن ينۆەستيتسيا قۇيىلمايدى, تيىسىنشە ساپا دا بولمايدى. الەۋمەتتىك جەلىلەردىڭ دامۋىنا بايلانىستى, ەلدە ترا­فيكتى تۇتىنۋ بىرنەشە ەسە ءوستى. بۇل نەنى بىلدىرەدى؟ بۇل وپەراتورلار جەلى­سىندەگى جۇكتەمە دە ارتتى دەگەن ءسوز. بىراق شىعىندار تۇتىنىلاتىن ترافيكتىڭ كولەمىنە سايكەس تەپە-تەڭ تۇردە وسكەن جوق. قازاقستان-ءموبيلدى ترافيكتى تۇتىنۋ بو­يىنشا جەتەكشى ەلدەردىڭ ءبىرى جانە ءموبيلدى جەلىنى قولدانۋ جاعىنان دا الدىڭعى قاتاردا, دەدى تسيفرلىق دامۋ ءمينيسترى.

وسىدان سوڭ وتاندىق ۇيالى بايلانىس وپەراتورلارى بىردەن تاريف قۇنىن كوتەرۋدى قولعا العان. «قازاقتەلەكوم» اق 2023 جىلعى 1 تامىزدان باستاپ مۇراعاتتىق تاريفتەر جەلىسىنىڭ كەيبىرى قىم­باتتايتىنىن حابارلادى. Beeline كومپانياسى 15 تامىزدان باستاپ «جارقىن 4990» جانە «جارقىن 5990» تاريفتەرىندە YouTube, Instagram, Facebook, TikTok, WhatsApp جانە باسقا دا تانىمال الەۋمەتتىك جەلىلەر مەن مەسسەندجەرلەرگە شەكسىز كىرۋ مۇم­كىندىگىن الىپ تاستايدى جانە «جارقىن 3990» تاريفىندە وسى رەسۋرستارعا بەرىلىپ كەلگەن 25 گب پاكەتى دە توقتاتىلادى. سونداي-اق كۇندەلىكتى پاكەت قۇنىن 290 تەڭگەگە ءوسىرۋدى جوسپارلاپ وتىر. Activ.kz ۇيالى بايلانىس وپەراتورى دا 2023 جىل­عى 8 تامىزدا «شىنايى شەكسىز مۇ­را­عاتتىق», «سۋپەر كومفورت مۇرا­عاتتىق», «سۇحبات مۇراعاتتىق» تا­ريف­تەرى بويىنشا تولەم شارتىن وز­گەرتەدى. ال Tele2 22 تامىزدان باس­تاپ «ستارت», «جەڭىل ستارت», ء«بارىن اۋىستىر 1990 تگ 0419 مۇ­را­عاتتىق», ء«بارىن اۋىستىر 1990 تگ_0619», «جەڭىل ستارت مۇرا­عات­تىق», «سۋپەر+», «جەڭىل ستارت مۇرا­عاتتىق 2», «قوسىل», ء«با­رىن اۋىستىر 2490 تگ 0419 مۇرا­عات­تىق», ء«بارىن اۋىستىر 2590», ء«بارى سۋپەر مۇراعاتتىق», «كە­رەگى وسى», «كۇشتى», ء«بارى سۋپەر», «تولىعىمەن قوسىل 0518», «تولى­عىمەن قوسىل», ء«با­رىن اۋىستىر 2590 تگ_0619», «ۇل­كەن مۇراعات­تىق 2», ء«بارىن اۋىس­تىر 3190_new», «ماكسيمالدى قوسىلۋ», ء«بارىن ­اۋىستىر 3290 تگ 0419 مۇرا­عاتتىق», ء«بارىن اۋىس­تىر 3290 تگ_0619», «ناعىز ەكسترا», «ۇل­كەن», «ناعىز ەكس­ترا مۇراعات­تىق», «كۇشتى+», ء«بارىن اۋىستىر 3190», ء«بارىن اۋىستىر 3690», ء«بارىن اۋىستىر 3790», «سەنگىسىز شەكسىزدىك», ء«بارىن اۋىستىر 4190» تاريفتەرى باعاسىن كوتەرەدى.

– بىرقاتار فاكتورعا, سو­نىڭ ىشىندە ەكونوميكالىق جاعداي­عا بايلانىستى ءبىز تاريفتىك جوس­پار­­لاردىڭ باعاسىنا كىشىگىرىم وزگە­رىس ەنگىزۋ تۋرالى شەشىم قا­بىل­داۋعا ءماجبۇرمىز. بۇل ءسىزدىڭ قارا­­جاتىڭىزعا اسەر ەتۋى مۇمكىن ەكە­نىن تۇسىنەمىز, سوندىقتان ءبىز قو­سىمشا رەسۋرستار مەن قىزمەتتەر تۇرىندە وتەماقى ۇسىنامىز. بۇل وزگەرىستەر ينفراقۇرىلىمعا نەگىز­دەلگەن شىعىنداردىڭ وسۋىمەن, جاڭا تەحنولوگيالاردىڭ ىسكە قوسى­لۋىمەن, الەمدىك لوگيستيكالىق تىز­بەكتەردىڭ قۇلدىراۋى, ينفلياتسيا, ەلەكتر ەنەرگياسىنىڭ قىمباتتاۋى, جاڭا تەحنولوگيانى ەنگىزۋ ءۇشىن جو­عارى جيىلىك قۇنى جانە كومپانيامىز ءۇشىن سىن-قاتەرلەر تۋدىرعان باسقا دا جاعدايلارمەن بايلانىستى. سوندىقتان ءبىز قىزمەتتەردىڭ تۇ­راقتىلىعىن قامتاماسىز ەتۋ جانە سىزگە ودان دا وزىق تەحنولوگيالار مەن قىزمەتتەردى ۇسىنۋ ءۇشىن تا­ريفتەرىمىزدىڭ باعالارىن قاي­تا قاراۋدى ۇيعاردىق», دەلىنگەن Tele2 حابارلاماسىندا.

ۇيالى بايلانىس وپەراتورلارى تۇتىنۋشىلارعا ساپالى قىزمەت كورسەتۋ ماقساتىندا با­عانىڭ ءوسىپ جاتقانىن اتاپ ءوتتى. بىراق تسيفرلىق دامۋ, يننوۆاتسيا­لار جانە اەروعارىش ونەركاسىبى ءمينيسترى باعدات مۋسين قا­زىر­دىڭ ءوزىن دە 4G سىيىمدىلىعىنا قاتىستى ماسەلە بار – ستانسالار جەتكىلىكسىز دەگەن. ال ول ستانسالاردى وپەراتورلار سالۋى كەرەك. سوعان قاراعاندا 5G-ءدىڭ اۋىلى ءتىپتى الىس. باعانىڭ بىردەن وسكەنى سەكىلدى ينتەرنەت جىلدامدىعى دا جاقىن ارادا جاقسارسا عوي...