كوللاجدى جاساعان الماس ماناپ, «EQ»
«ۇرلىقشىلار» دەپ اتالاتىن كارتينادا قوس جەتىمنىڭ ۇلكەن قالاداعى ءومىر قيىندىقتارى, شىتىرمان وقيعالارى سۋرەتتەلەدى. Tiger Films پروديۋسەرلىك كومپانياسىنىڭ ۇجىمى نيۋ-يورك كينواكادەمياسىنىڭ تۇلەگى اليونا المازدىڭ وتاندىق كينوعا قوسار ۇلەسى مول ەكەنىنە سەنىمدى.
«مەن قازاق كينوسىنا باتىستىڭ ءتۇسىرىلىم تەحنولوگياسىن الىپ كەلگىم كەلەدى. وسىلايشا كورەرمەننىڭ وتاندىق كينوعا دەگەن قىزىعۋشىلىعىن ارتتىرۋدى كوزدەيمىن. قازىر باتىس فيلمدەرىنە دەگەن سۇرانىس جوعارى. تىم بولماسا تارازىنىڭ ەكى باسىن تەڭەستىرۋ دە ناتيجە. ويتكەنى قازىر جاقسى وتاندىق فيلمدەر ءتۇسىرىلىپ جاتىر. فيلم بالالار ۇيىندە تاربيەلەنگەن ءامىر مەن سانا ەسىمدى كەيىپكەرلەردىڭ ومىرىنە قۇرىلعان. ولار اشتىقپەن كۇرەسۋ ءۇشىن ۇرلىق جاساپ وسەدى. مەكتەپ بىتىرگەن سوڭ ءامىر مەن سانا باعالى زاتتاردى جىمقىرۋعا بەت بۇرادى. بايلاردان ۇرلاپ العانىن مۇقتاجدارعا تاراتىپ بەرەدى. جەتىمدەر ومىرىندەگى شىتىرمان وقيعا وسىلاي باستالادى», دەيدى رەجيسسيور.
فيلمدەگى ەكسترەمالدى قيمىلداردى اكتەرلەردىڭ وزدەرى ورىندايدى. جاڭا كارتينا Kinopark & Kinoplexx كينوتەاترلارىنان 18 قاڭتاردان باستاپ كورسەتىلەدى.
