اۆياكومپانيا باسشىلىعى ۇسىنعان اقپاراتقا سايكەس, Boeing-737 ۇشاعى اپتاسىنا 2 رەت, سارسەنبى جانە سەنبى كۇنى قاتىنايدى. ۇشۋ ۋاقىتى - 2,5 ساعات.
«بۇل باستاما ەكى ەل اراسىنداعى اۋە قاتىناسىن نىعايتىپ قانا قويماي, ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتى دامىتۋدى جەدەلدەتەدى», دەلىنگەن الماتى حالىقارالىق اۋەجايى تاراتقان اقپاراتتا.
ايتا كەتەيىك, جاڭا رەيستىڭ اشىلاتىنى تۋرالى مەملەكەت باسشىسى قاسىم-جومارت توقاەۆ پەن پاكىستان پرەمەر-ءمينيسترى شاحباز ءشاريفتىڭ تەلەفون ارقىلى ىنتىماقتاستىق ماسەلەسىن تالقىلاۋىنان كەيىن بەلگىلى بولدى. كەيىن ەلىمىزدىڭ يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتى پاكىستاننىڭ اۆياتسيالىق بيلىك ورگاندارىمەن بىرلەسىپ, تۇراقتى جولاۋشىلار رەيسىن اشۋ ماسەلەسىن قولعا العان ەدى.
«قازاقستان مەن پاكىستان اراسىنداعى قارىم-قاتىناس جىل سايىن نىعايىپ كەلەدى. قازىر الەم ەلدەرى تۋريزم, ساۋدا سەكىلدى ماڭىزدى سالالاردا ىنتىماقتاسۋدى كوزدەيدى. ال جاڭا رەيستىڭ اشىلۋى – ەكى ەل اراسىنداعى وسى باعىتتاردى نىعايتادى. ءبىزدىڭ ءدىنىمىز ءبىر, مادەنيەتىمىز ۇقساس. سوندىقتان جاڭا باستاما قوس تاراپ ءۇشىن دە ءتيىمدى بولادى دەپ سەنەمىن», دەدى قازاقستانداعى پاكىستان يسلام رەسپۋبليكاسى ەلشىلىگىنىڭ ساۋدا جانە ينۆەستيتسيا ماسەلەلەرى جونىندەگى كەڭەسشىسى فارۋح مۋحامماد.
