سۋرەتتى تۇسىرگەن باۋىرجان جۋاسباەۆ
پالاتا ساراپشىلارىنىڭ ايتۋىنشا, جاڭعىرتۋ جالعاسپاسا, وندا مىڭداعان ساۋدا ورىندارى جابىلىپ قالۋى مۇمكىن. وسىعان بايلانىستى ون مىڭداي كاسىپكەر مەن ونىڭ وتباسى تابىسسىز قالۋى ىقتيمال. ەسكە سالايىق, جاڭعىرتۋ كوشەدەگى دۇڭگىرشەكتەردى, كونتەينەرلىك پاۆيلونداردى ساۋدا ۇيلەرى نەمەسە ساۋدا ۇيلەرى تۇرىندەگى زاماناۋي نىساندارعا اۋىستىرۋدى قاراستىرادى.
وسى رەتتە «اتامەكەن» الاڭىندا ساۋدا جانە ينتەگراتسيا ۆيتسە-ءمينيسترى ارمان شاققاليەۆتىڭ قاتىسۋىمەن جيىن ءوتتى. مينيسترلىك وكىلىنىڭ سوزىنشە, پارلامەنت ءماجىلىسىنىڭ قاراۋىندا جاتقان كاسىپكەرلىك ماسەلەلەرى بويىنشا تۇزەتۋلەردىڭ توعىزىنشى پاكەتى اياسىندا «اتامەكەن» باستاماسىمەن جاڭعىرتۋ مەرزىمىن 2025 جىلعا دەيىن ۇزارتۋ جايى تالقىلانىپ جاتىر. ءوز كەزەگىندە مينيسترلىك تە بۇل باستاماعا قولداۋ ءبىلدىرىپ, ونى ءماجىلىس الدىندا پالاتامەن بىرلەسە قورعاۋعا نيەتتى.
ء«بىز پالاتامەن بىرگە وسى ماسەلە بويىنشا جۇمىس ىستەدىك. زاڭ جوباسىندا مودەرنيزاتسيا مەرزىمى 2025 جىلعى 1 قاڭتارعا دەيىن دەپ كورسەتىلگەن. ەشكىم قازىر ءسىزدى جاۋىپ تاستايمىز دەپ ايتا المايدى. سونىمەن قاتار جول كارتاسى بويىنشا مىندەتتەمە كۇشىن جويمايدى», دەدى ۆيتسە-مينيستر.
ايتا كەتۋ كەرەك, جول كارتاسى ساۋدا سالاسىندا جەكە كاسىپكەرلىككە قولداۋ كورسەتۋ ماقساتىندا «جەكە كاسىپكەرلىكتى مەملەكەتتىك قولداۋدىڭ كەيبىر شارالارى تۋرالى» قازاقستان رەسپۋبليكاسى ۇكىمەتىنىڭ 2019 جىلعى 31 جەلتوقسانداعى №1060 قاۋلىسىنا وزگەرىستەر ەنگىزۋ جونىندەگى تارماقتى دا كوزدەيدى.
جول كارتاسىندا كوزدەلگەن ءىس-شارالاردى ىسكە اسىرۋ نارىقتاردى مودەرنيزاتسيالاۋ بارىسىنا تۇراقتى مونيتورينگتى قامتاماسىز ەتۋگە مۇمكىندىك بەرۋگە ءتيىس.
