سۋرەتتەردى تۇسىرگەن ەرلان ومار, «EQ»
جيىرما بەس جىلدىق تاريحتىڭ كۋاسى بولىپ, باس قالانىڭ سيمۆولىنا اينالعان بايتەرەكتى بۇگىندە ءزاۋلىم عيماراتتار قۇددى ءبىر كولەگەيلەپ, قورعاشتاپ تۇرعانداي اسەر قالدىرادى. شىنى كەرەك, استانا قۇرىلعان العاشقى جىلدارى جاڭاشىلدىقتىڭ لەبى ەسىل اۋدانىنان عانا ەسىپ تۇراتىنداي سەزىلەتىن. ال بۇگىندە جاڭا اۋداندار قۇرىلىپ, بارلىق اۋماققا تەڭدەي كوڭىل ءبولىنىپ, كوركەيىپ جاتىر.
الىستى ايتپاي-اق قويالىق, بەرىدە بوي كوتەرگەن, زەڭگىر كوكپەن تالاسقان «ابۋ-دابي پلازا» كەشەنى, ەكسپو كەشەنى, سونىڭ ماڭايىندا سالىنعان عيماراتتاردىڭ ءوزى قانداي؟ جاقىندا اشىلعان ورتالىق ازياداعى ەڭ ۇلكەن مەشىتكە ارنايى كەلىپ جاتقان قوناقتار كوپ. بۇل دا بولسا, تۋريستىك قالا رەتىندە مىنە-مىنە تانىلا باستاعان قالانىڭ ابىرويى.
بارعان سايىن قۇلپىرىپ كەلە جاتقان شاھاردىڭ شىرايى ودان سايىن اشىلىپ, اياسى كەڭەيە بەرەتىنى انىق. «ەلۋ جىلدا ەل جاڭا» دەگەندەي, تاعى ءبىر شيرەك عاسىردا اسەم قالامىز مۇلدەم باسقا كەيىپكە ەنىپ, تاڭداي قاقتىرۋى عاجاپ ەمەس. ويتكەنى ەلۋدىڭ جارتىسىن جاساعان جاسامپاز قالانىڭ قازىرگى كوركىن بۇرىن ەلەستەتۋدىڭ ءوزى قيىن بولاتىن. ەندەشە, ايشىقتى استانانىڭ بۇگىنگى كورىنىسىنىڭ ءبىر پاراسىنا تومەندەگى سۋرەتتەن كوز تويدىرىڭىزدار!
