اتالعان ۆەب-پلاتفورمانىڭ ءبىلىم ساپاسىنىڭ ارتۋىنا اسەرى تاجىريبەمىزدەن اجەپتاۋىر سەزىلەدى. اسىرەسە, مۇعالىم مەن وقۋشىلاردىڭ ءوزارا ىنتىماقتاستىعىن نىعايتۋ, اتا-انانىڭ ءوز بالاسىنىڭ ءبىلىم دەڭگەيىن مۇقيات قاداعالاي الۋىنا ءتيىمدى باسىمدىق بەرىلگەن. پلاتفورما تاراۋلارىنىڭ قولدانىستاعى وقۋلىق تاراۋلارىمەن ءوزارا ۇندەستىگى ەرەكشە. ساباق مازمۇنىمەن الدىن-الا تانىسۋ, ۆيدەوماتەريالدار ارقىلى ءبىلىم جەتىلدىرە ءتۇسۋ مۇمكىندىگى جوعارى. جاز مەزگىلىندە دە تسيفرلى كونتەنتپەن ۇدايى ىزدەنىپ تۇرامىز. ياعني, ماۋسىم تاڭداماي, تاپسىرما ورىنداپ, ءبىلىم دەڭگەيىن ۇزدىكسىز جەتىلدىرۋگە مۇددەلىمىز.
پلاتفورما كەز كەلگەن براۋزەردە قىزمەت ىستەيدى. جۇيە ينتەرنەت-پلاتفورمالارعا قويىلاتىن تالاپتارعا تولىعىمەن سايكەس كەلەدى. اتاپ ايتقاندا:
- باي بەينە, اۋديو ماتەريالدارى جانە ينتەراكتيۆتى دەڭگەيى ءارتۇرلى تاپسىرمالار جۇيەسى بار;
- دەربەس كومپيۋتەرلەرگە ارنايى باعدارلامالىق قامتاماسىز ەتۋدى ورناتۋدىڭ قاجەتى جوق;
- كەز كەلگەن قۇرىلعىدا (كومپيۋتەرلەر, پلانشەتتەر, سمارتفوندار) جۇمىس ىستەۋ مۇمكىندىگى;
- ءينتۋتيۆتى تۇسىنىكتى جانە پايدالانۋشىعا ينتەرفەيسى ىڭعايلى.
Topiq.kz پلاتفورماسىنا قوسىلۋ ورتا مەكتەپتەردىڭ ءبىلىم بەرۋ جۇيەسىنە كوپ سەپتىگىن تيگىزە الادى. ماسەلەن ء«بىر تەرەزە» پرينتسيپىمەن وقۋشىلاردىڭ بىرىڭعاي تسيفرلىق پورتفەلىن قالىپتاستىرادى. قازاق وقۋلىقتارىنداعى ينتەراكتيۆتى تاپسىرمالار مەن مەديا-كونتەنتتەردىڭ كوپتىگىن قامتاماسىز ەتەدى. بارلىق مەكتەپتەر, وقۋشىلار جانە باسپاگەرلەر ءۇشىن قولجەتىمدى تسيفرلىق ءبىر ورتانى قالىپتاستىرۋى – ءوز الدىنا ۇلكەن دۇنيە. جەڭىل پورتفوليو ارقىلى وقۋشىلاردىڭ دەنساۋلىعىن ساقتاۋ, ۇستازداردىڭ ءادىس-تاسىلدەرىن كەڭەيتىپ, قاعازباستىلىقتى ازايتۋداعى ناتيجەسىن دە ايىرىقشا اتاپ وتۋگە بولادى.
سوندىقتان جازعى كانيكۋل كەزىندە دە ۋاقىتتى ءتيىمدى وتكىزۋ قۇرالى رەتىندە ءوز تاجىريبەمىزبەن ءبولىسىپ وتىرمىز.
التىن كامەنوۆا,
ى.التىنسارين اتىنداعى ورتا مەكتەپتىڭ ديرەكتورى,
اتىراۋ وبلىسى قۇرمانعازى اۋدانى
