گەرمانيا پرەزيدەنتى تەمىرجول جانە اۆتوموبيل كولىگىمەن پارومدارعا جۇكتى تيەۋ پروتسەسىن, سونداي-اق كاسپي تەڭىزىنىڭ قازاقستاننىڭ بولىگىندەگى, ونىڭ ىشىندە ترانسكاسپي حالىقارالىق كولىك باعىتى اياسىندا وسى ينفراقۇرىلىمدى دامىتۋ جونىندەگى جوسپارلاردى باعامداپ قايتتى.
بۇل ورايدا قازاقستاننىڭ ۇكىمەت باسشىسى گفر پرەزيدەنتىنە اتالعان باعىت ارقىلى بىلتىر جۇك تاسىمالىنىڭ كولەمى 2 ەسەگە ۇلعايعانىن, سونداي-اق بيىلعى 5 ايدا 64%-عا ارتقانىن جەتكىزدى.
قۇرىق پورتىن ارالاۋ كەزىندە تاراپتار ترانزيتتىك الەۋەتتى كۇشەيتۋ مەن ينۆەستيتسيا تارتۋ ماسەلەلەرىندە ۇزاقمەرزىمدى جەمىستى ارىپتەستىكتى دامىتىپ, نىعايتۋدىڭ ماڭىزدىلىعىنا توقتالدى. سونىمەن قاتار گەرمانيالىقتار كولىك-لوگيستيكاسى باعىتىندا پەرسپەكتيۆالى جوبالاردى ءىسكە اسىرۋعا بىرلەسىپ جۇمىس ىستەۋگە دايىن ەكەندەرىن ايتتى.
