بۇل – ەلىمىزدەگى نازارباەۆ زياتكەرلىك مەكتەبى اراسىنداعى ۇزدىك ناتيجەنىڭ ءبىرى. «جۇزدەن جۇيرىك» شىققان وقۋشىلار بۇگىندە شەتەلدىك جوو-لاردان شاقىرتۋ الىپ ۇلگەردى. اتاپ ايتساق, اقبوتا التىنبەك – يتاليا مەن گەرمانيادان, ايكوركەم نۇرجانوۆا – يتاليا مەن گونكونگتان, ءاليا نۇرلىباي – قىتاي, اقش ۋنيۆەرسيتەتتەرىنەن, ءجانيا ساعىنگەرەي – اقش, فرانتسيا جانە فينليانديانىڭ جوعارى وقۋ ورىندارىنان شاقىرتۋ السا, ەسبولسىن باحتيار – گەرمانياداعى ياكوبس ۋنيۆەرسيتەتىنىڭ گرانت يەگەرى اتانعان.
ولارعا قوسا, ساۋلە قازەتوۆا – John Hopkins Center for Talented Youth باعدارلاماسىنىڭ سەرتيفيكاتىن, ءمولدىر مالبەكوۆا – يتاليانىڭ جوو گرانتىن ەنشىلەدى. ال اينۇر تاسبولاتوۆا – تۇركيا, ماجارستان, يتاليا, فينليانديانىڭ بىرقاتار وقۋ ورىندارىنان, ەلنۇر جولدىقۇل – يتاليا مەن ماجارستاننان شاقىرتۋ العان. نۇرتورە باۋىرجان – يتاليا مەن گەرمانيانىڭ جوعارى وقۋ ورىندارىن تاڭداۋ مۇمكىندىگىنە يە بولسا, توعجان باۋدىنباي وقۋ جىلىندا «Business plan competiton – 2022» باعدارلامالاۋ بويىنشا Wunder كۋرسىنا قاتىسىپ ۇلگەردى.
ء«بىز زياتكەرلىك قارىم-قابىلەتىن كورسەتىپ, بىلىمدەرىن الەمدىك دەڭگەيدە دالەلدەگەن شاكىرتتەرىمىزدى ماقتان ەتەمىز», دەيدى ورال قالاسىنداعى نازارباەۆ زياتكەرلىك مەكتەبىنىڭ ءباسپاسوز حاتشىسى ءمولدىر لاتيفوۆا.
باتىس قازاقستان وبلىسى
