قازاقستان ساپىنان 60 كەلىگە دەيىنگى سالماقتا باق سىنايتىن ماعجان شامشادين العاشقى بەلدەسۋىندە ازەربايجان سپورتشىسى نازير تاليبوۆتى ۇتتى. كەلەسى كەزدەسۋىندە ماعجان باحروم بوتۋروۆتى (وزبەكستان) يپپون ۇپايىمەن جەڭگەن ول, جارتىلاي فينالدىق بەلدەسۋدە مەرزود سۋفيەۆتەن (تاجىكستان) باسىم ءتۇستى. اقتىق سىندا سپورتشىمىز فرانتسيا وكىلى سەدريك رەۆولمەن بەلدەسەدى.
جارىسقا ەكىنشى اينالىمنان قوسىلعان عۇسمان قىرعىزباەۆ (-66كگ) الەم چەمپيونى ياگو ابۋلادزەنى سان قاپتىرىپ, كەزىندەگى ەسەسىن قايتاردى. كەلەسى قارسىلاسى نارمانداح بايانمۋنحتى ء(باا) سەنىمدى تۇردە ۇتىپ, شيرەك فينالعا جولداما العان ول, ازەربايجاندىق دزيۋدوشى كامران سۋلەيمانوۆتى دا ارتتا قالدىردى. ½ فينالدا عۇسمان وزبەك بالۋانى مۇحريددين تيلولوۆتى جەڭىپ كەتتى.
ايەلدەر اراسىندا (-48 كگ) سالماق دارەجەسىندە باق سىناپ جاتقان عاليا تىنباەۆا قولا مەدال ءۇشىن باق سىناسادى. العاشقى كەزدەسۋىندە بەلگيا سپورتشىسى لۋيز پەتيتتى جەڭگەن عاليا, شيرەك فينالدىڭ جولداماسى ءۇشىن وزبەك قىزى حاليمدجون كۋربونوۆاعا ەسە جىبەرگەن بولاتىن. وسىلايشا, جۇبانىش بەلدەسۋىندە پورتۋگاليالىق كوستا كاتارينانى جەڭىپ, قازاقستاندىق سپورتشى ءۇشىنشى ورىنعا كۇرەسۋ مۇمكىندىگىن الدى.
فينالدىق بەلدەسۋلەر استانا ۋاقىتىمەن ساعات 17:00-دە باستالادى.
ايتا كەتسەك, جارىستىڭ ءبىرىنشى كۇنى تاتاميگە 48 كەلى, 52 كەلى, 57 كەلىگە دەيىنگى سالماق دارەجەلەرىندەگى ايەلدەر جانە 60 كەلى, 66 كەلىگە دەيىنگى سالماق دارەجەلەرىندە بەلدەسەتىن ەرلەر شىقتى. بۇل جارىستا بارلىعى 42 ەلدىڭ 334 سپورتشىسى باق سىناپ جاتىر.
الەمدىك دودا استاناداعى «بارىس ارەنا» سپورت كەشەنىندە 16-18 ماۋسىم ارالىعىندا وتەدى. جارىستى تىكەلەي ەفيردە Qazsport جانە Judotv.com ونلاين-پلاتفورمالارى كورسەتەدى.
ايتا كەتەيىك, بۇل دودانىڭ ناتيجەسىندە IJF ەرەجەلەرىنە سايكەس جارىستىڭ جەڭىمپازدارى مەن جۇلدەگەرلەرى اراسىندا الەمدىك جانە وليمپيادالىق رەيتينگتەردە ۇپايلار بولىنەدى. اتاپ ايتقاندا, 1 ورىن ءۇشىن – 1000, 2 ورىن ءۇشىن – 700, ال 3 ورىن ءۇشىن – 500 ۇپاي ەسەپتەلەدى.
«Qazaqstan barysy Grand Slam» تۋرنيرىندە دزيۋدوشىلار 2024 جىلى پاريجدە وتەتىن جازعى وليمپيادا ويىندارىنا قاتىسۋ ءۇشىن ۇپاي جينايدى. ءۇش كۇنگە سوزىلاتىن بايراقتى باسەكەگە كىرۋ تەگىن.
