كورمە استانا مەملەكەتتىك مۇراعاتىنىڭ مۇراعاتتىق قۇجاتتارىنان, قازاقستان رەسپۋبليكاسىنىڭ ورتالىق مەملەكەتتىك كينوفوتوقۇجاتتار مەن دىبىس جازبالارىنىڭ مۇراعاتىنان, قازاقستان رەسپۋبليكاسى ۇلتتىق مۋزەيىنىڭ قورلارىنان جانە قر تۇڭعىش پرەزيدەنتى كىتاپحاناسىنان تۇرادى.
«وزدەرىڭىز بىلەتىندەي, جاڭا استانانىڭ حالىقارالىق تۇساۋكەسەرى 1998 جىلى 10 ماۋسىمدا ءوتتى. وسىعان بايلانىستى 10 ماۋسىم مەن 4 شىلدە ارالىعىندا قالامىزدىڭ فوتوسۋرەت كورمەسىن وتكىزەمىز. بۇل فوتو ءتۇرلى تاريحي قورلاردان, قر ۇلتتىق مۇراجايىنان, سونداي-اق ەڭ كونە وڭىرلىك گازەتتەردىڭ مۇراعاتىنان الىنعان», دەدى استانا مەملەكەتتىك مۇراعاتىنىڭ عىلىمي-زەرتتەۋ جۇمىسى قىزمەتىنىڭ جەتەكشىسى عازيزا يساحان.
ەكسپوزيتسيادا استانانىڭ ماڭىندا ورنالاسقان ورتاعاسىرلىق بوزوق قالاشىعىنان باستاپ ەلوردا شەجىرەسى ۇسىنىلعان.
سونداي-اق رەۆوليۋتسياعا دەيىنگى كەزەڭدەگى قالانىڭ كورىنىسىن كورۋگە بولادى. وندا العاشقى كوپەستەر ءۇيى, عيماراتتار, قالا كوشەلەرى بەينەلەنگەن. كەلەسى كەزەڭ – ءحىح عاسىردىڭ اياعى مەن حح عاسىردىڭ باسى, ول اقمولا وكرۋگىنىڭ نەگىزگى ساۋدا ورتالىعى رەتىندە قالا بولىپ قالىپتاسۋىنا كەلەدى.
استانانى الماتىدان سول كەزدەگى اقمولاعا كوشىرۋ كەزەڭىن قامتيتىن مۇراعاتتىق فوتوسۋرەتتەر دە ۇسىنىلعان.
كورمە 4 شىلدەگە دەيىن «استانا قالاسىنىڭ مەملەكەتتىك مۇراعاتى» مم قالداياقوۆ كوشەسى, 13 مەكەنجايى بويىنشا وتەدى.
