سۋرەتتى تۇسىرگەن رۋسلان كادىروۆ
سالتاناتتى ءىس-شارادا وبلىس اكىمى دەنساۋلىق ساقتاۋ سالاسىن دامىتۋ, مەديتسينالىق ينفراقۇرىلىمدى جاقسارتۋ, مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋ بويىنشا وڭىردە جۇرگىزىلىپ جاتقان جۇمىستارعا كەڭىنەن توقتالدى.
بەيبىت يساباەۆتىڭ ايتۋىنشا, بيىلدان باستاپ لاۋازىمدىق جالاقىعا تۇزەتۋ كوەففيتسيەنتتەرىن بەلگىلەۋ ارقىلى مەديتسينا قىزمەتكەرلەرىنىڭ جالاقىسىن كوتەرۋدىڭ بىرىڭعاي تاسىلدەرى ازىرلەندى. سونىڭ ارقاسىندا دارىگەرلەردىڭ جالاقىسى اۋىلدىق جەرلەردە ورتا ەسەپپەن 511 مىڭ تەڭگەدەن, ال ورتا مەدقىزمەتكەرلەردىڭ جالاقىسى 291 مىڭ تەڭگەدەن, ال قالالاردا تيىسىنشە 504 مىڭ مەن 268 مىڭ تەڭگەدەن استى.
ادامنىڭ دەنساۋلىعى مەن ءومىرى – قوعامدا ەڭ باستى قۇندىلىق, ۇلت ساۋلىعى – باعا جەتپەس بايلىق. سىزدەردى دەنساۋلىق ساقشىسى, كۇن سايىن ەرەن ەرلىك جاسايتىن بەيبىت كۇننىڭ باتىرلارى دەپ بىلەمىز. جۇمىستارىڭىزعا جاي عانا مىندەت دەپ قاراماي, حالىققا جىلى سوزبەن, جۇرەك مەيىرىمىمەن, جاناشىرلىقپەن قىزمەت ەتىپ كەلەسىزدەر. سوندىقتان سىزدەردىڭ گيپپوكرات انتىنا, ادامگەرشىلىك مۇراتتارىنا ادال, ىزگى ەڭبەكتەرىڭىز قانداي قۇرمەتكە دە لايىق», دەدى ب.يساباەۆ.
قۇتتىقتاۋ سوزدەن كەيىن, وبلىس باسشىسى بىرقاتار مەديتسينا ماماندارىن قۇرمەت گراموتالارىمەن, العىس حاتتارىمەن ماراپاتتادى, سونداي-اق 14 اتالىم بويىنشا ۇزدىكتەر انىقتالدى.
«ستاتسيوناردىڭ ۇزدىك دارىگەرى» اتالىمى بويىنشا وبلىستىق كوپسالالى بالالار اۋرۋحاناسىنىڭ انەستەزيولوگيا-رەانيماتسيا بولىمشەسىنىڭ مەڭگەرۋشىسى بەك بەگىمبەتوۆ, ال «ەمحانانىڭ ۇزدىك دارىگەرى» اتالىمىندا پانفيلوۆ اۋدانىنىڭ كوپسالالى اۋرۋحاناسىنىڭ جالپى پراكتيكا دارىگەرى انار راقىمبەك جەڭىمپاز اتاندى. تالدىقورعان قالالىق اۋرۋحاناسى – «ۇزدىك مەديتسينالىق مەكەمە», كوكسۋ اۋدانىنىڭ كوكسۋ ستانساسى – «ۇزدىك دارىگەرلىك امبۋلاتوريا», قاراتال اۋدانىنىڭ ۇشكومەي اۋىلىنىڭ مەديتسينالىق پۋنكتى «ۇزدىك مەديتسينالىق پۋنكت» بولىپ تانىلدى. بىرقاتار مامان «ۇزدىك فەلدشەر», «ۇزدىك ەپيدەميولوگ», «ۇزدىك ستاتسيونارلىق مەدبيكە», «ەمحانانىڭ ۇزدىك مەدبيكەسى», ت.ب. اتالىمداردا جەڭىمپاز اتاندى. ولاردىڭ ارقايسىسىنا 500 مىڭنان 5 ملن تەڭگەگە دەيىن اقشالاي سەرتيفيكاتتار تابىستالدى.
سونىمەن قاتار پانفيلوۆ, الاكول, كەربۇلاق, اقسۋ جانە كوكسۋ اۋداندارىنىڭ 5 مەديتسينالىق مەكەمەسى جاڭا جەدەل جاردەم كولىكتەرىنىڭ كىلتتەرىن الدى.
وبلىس اكىمى ءباسپاسوز قىزمەتىنىڭ مالىمەتىنشە, بۇگىندە وبلىستا 361 دەنساۋلىق ساقتاۋ مەكەمەسى جۇمىس ىستەيدى. ولاردا 10 مىڭعا جۋىق مەديتسينا قىزمەتكەرى بار. مەملەكەت باسشىسىنىڭ تاپسىرماسىنا سايكەس بيىلدان باستاپ «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى قولعا الىندى. 2023-2025 جىلدارى ۇلتتىق جوبا اياسىندا جانە جەرگىلىكتى بيۋدجەت قاراجاتى ەسەبىنەن 17 ملرد تەڭگەگە 116 مەديتسينالىق نىسان سالىنادى. بۇل مەديتسينالىق ينفراقۇرىلىمدى كەشەندى تۇردە جاقسارتۋعا ىقپال ەتەدى.
دەنساۋلىق ساقتاۋدى قارجىلاندىرۋ كولەمى جىلدان-جىلعا ۇلعايىپ كەلەدى. تەك بيىلدىڭ وزىندە وسى سالاعا بيۋدجەتتەن 89,0 ملرد تەڭگە ءبولىندى. سونىڭ ىشىندە ماتەريالدىق-تەحنيكالىق بازانى جاقسارتۋ ماقساتىندا بيىل جەرگىلىكتى بيۋدجەت قاراجاتىنان 253 بىرلىك مەديتسينالىق تەحنيكا مەن 29 بىرلىك سانيتارلىق اۆتوكولىك ساتىپ الۋعا 4,4 ملرد تەڭگە قاراستىرىلىپ وتىر. وسى جىلى ءوڭىردىڭ 24 ەلدى مەكەنىندە, نەگىزىنەن اۋىلدىق جەرلەردە جالپى سوماسى 1,3 ملرد تەڭگەگە 27 بلوكتى-ءمودۋلدى كەشەن ورناتۋ جوسپارلانعان. سونداي-اق تاعى 6 نىساننىڭ قۇرىلىسىنا 2 ملرد تەڭگە بولىنگەن.
جەتىسۋ وبلىسى
