Roshani International film 2023 فەستيۆالى بيىل ءتورتىنشى مارتە وتكىزىلىپ وتىر. بايقاۋعا الەم ەلدەرىنەن 1 300-گە جۋىق جۇمىس ۇسىنىلعان. ونىڭ ىشىندە 132 انيماتسيالىق فيلم كورسەتىلگەن. Dala animation شىعارماشىلىق ۇجىمى دايىنداعان «بەسىك جىرى» ءمۋلتفيلمى قازىلاردىڭ ەڭ جوعارى باعاسىنا يە بولدى.
«ايتا كەتۋ كەرەك, بۇل «بەسىك جىرى» انيماتسيالىق ءفيلمىنىڭ العاشقى جۇلدەسى ەمەس. قازاقستاندىق مۋلتفيلم مامىر ايىندا يسپانيا استاناسى مادريدتە وتكەن بەدەلدى كينوفەستيۆالدە «ەڭ ۇزدىك قىسقامەتراجدى انيماتسيالىق فيلم» جۇلدەسىن جەڭىپ العان ەدى. ول بايقاۋعا 1 500 انيماتسيالىق جۇمىس ۇسىنىلعانىن ايتا كەتكەن ءجون», دەدى قر مسم مادەنيەت كوميتەتىنىڭ توراعاسى ارمان جۇدەباەۆ.
