1. جازۋشىلىقتى ماماندىق رەتىندە قاراستىرماڭىز. ەگەر شىنىمەن جازۋدى جاقسى كورسەڭىز, جازىڭىز! ءوزىڭىز جاقسى بىلەتىن تاقىرىپ توڭىرەگىندە وي قوزعاعان ءجون. كوڭىلىڭىز قالامايتىنعا جولاماڭىز!
2. جازۋشىنىڭ ءار ءساتتى سەزىنە ءومىر ءسۇرىپ, ءار قۇبىلىسقا باعا بەرە الۋى ماڭىزدى. بەيتانىس ادامدارمەن تىلدەسىڭىز, بۇرىن كورمەگەن جەرلەرگە بارىڭىز جانە كوپ سۇراققا جاۋاپ ىزدەڭىز. جازۋشى قورشاعان الەمىنىڭ بولمىسىن تۇسىنە جانە تاني الۋى كەرەك.
3. كوپ وقۋ كەرەك. ولەڭ, پروزا, گازەت تاعى باسقا وقۋ كەرەكتىڭ ءبارىن وقىعان ابزال. كەيدە ءتىپتى قىزىقپاعان تاقىرىپتاردى اشىپ كورىڭىز. سىزگە جاڭا اسەر سىيلاۋى مۇمكىن.
4. ويلارىڭىزدى ۇنەمى قاعاز بەتىنە ءتۇسىرىڭىز. ءتىپتى وزىڭىزگە بىرتۇرلىلەۋ كورىنگەن ويدى ءتۇرتىپ الىڭىز. كۇندەلىگىڭىز قولىڭىزدا ءجۇرسىن. مەن ويىمنىڭ ءبارىن كەزدەسۋدە كىشكەنتاي وقىرماندارىم سىيلاعان وقۋشى داپتەرىنە جازىپ جۇرەم.
5. جازعان ولەڭدەرىڭىزدى, اڭگىمەلەرىڭىزدى وي ەلەگىنەن بىرنەشە رەت وتكىزىڭىز. بۇل جاقسى تۋىندىنىڭ نەگىزى ءارى ءسىزدىڭ جازۋشىلىق قابىلەتىڭىزدى شىڭداي تۇسەدى. جازعاندارىڭىزدى اۋەلى وزىڭىزگە داۋىستاپ وقىڭىز. ءسىز ونى تىڭداعان كەزدە كوپ كەمشىلىگىن بايقايسىز.
