مىندەت – جولاۋشى تالعامىنا ساي قىزمەت

تۇڭعىش پرەزيدەنتىمىز نۇرسۇلتان نازارباەۆتىڭ كورەگەندىك باستاماسىمەن, بالاماسىز باسشىلىعىمەن ارقا توسىنە وتاۋ تىككەن ارايلى استاناعا ساپارلاعان ءاربىر ادام الدىمەن ونىڭ كولىك بەكەتتەرىنىڭ تابالدىرىعىن اتتايدى. سوندىقتان باس قالاعا الىس-جاقىن شەتەلدەردەن, ۇلان-بايتاق ەلىمىزدىڭ بارلىق وڭىرلەرىنەن جولاۋشىلاپ كەلەتىن جۇرتشىلىق اۆتوۆوكزال قىزمەتىن تۇتىنادى. ەندەشە, ول جوعارى سۇرانىس تالابىنا ساي بولۋى كەرەك. وسىعان وراي, 2000 جىلى استانا قالاسى ارنايى ەكونوميكالىق ايماعى اكىمشىلىك كەڭەسىنىڭ شەشىمىمەن قالاارالىق, حالىقارالىق جولاۋشىلار تاسىمالىن جۇزەگە اسىراتىن “ساپارجاي-استانا” كوممۋنالدىق كاسىپورىنى قۇرىلدى. كەيىننەن ول جشس بولىپ قايتا تىركەلدى. 1989 جىلى پايدالانۋعا بە­رىل­گەن جانە سول كەزدەگى قالانىڭ تا­لاپ­تارىنا ساي بولعان اۆتوۆوكزال عي­ما­رات­ىنا جوندەۋ جانە قايتا جاڭارتۋ جۇ­مىستارى اياقتالىپ, قازىرگى كەزدە اۆتو­ۆوكزالدىڭ جاڭارتىلعان كەلبەتى تەمىر جول ۆوكزالىمەن تۇتاس ءبىر ساۋلەتتىك ان­سامبلگە كەلتىرىلىپ, ەلوردا تۇر­عىن­دا­رىنا جانە قوناقتارىنا قىزمەت كورسەتۋدە. بۇگىنگى تاڭدا اۆتوۆوكزال قازىرگى زامان تالابىنا ساي جولاۋشىلارعا قاجەتتى بارلىق مۇمكىندىكتەرمەن جابدىقتالعان. سونىڭ ىشىندە, ايتا كەت­سەك, نامازحانا, قوناق ءۇي, مەدي­تسينالىق پۋنكت, دۇكەندەر, شاشتاراز, حاۋىز, انا مەن بالا بولمەسى سياقتى دەم الۋ ور­ىندارى بار. سونىمەن قاتار جو­لاۋ­شىلارعا وڭتايلى جاعداي جاساۋ ءۇشىن تاۋلىك بويى بيلەت ساتاتىن 11 كاسسا, ديسپەتچەرلىك پۋنكت, ان­ىق­تاما بيۋروسى, قول جۇكتەرىن ساقتاۋ كامەراسى, سويلەسۋ پۋنكتى, دەمالۋ ورىندارى, ءتۇرلى بانكتەردىڭ بەس بانكوماتى, ءدامحانا, اسحانالار جانە ءتۇرلى ادەبيەتتەر مەن ۇساق-تۇيەك ساتاتىن كيوسكىلەر جۇمىس ىستەيدى. بۇگىنگى كۇنى ەلوردانىڭ اۆتوۆوكزالى حالىققا قىزمەت كورسەتۋ سالاسىندا كەڭ ينفرا­قۇ­رى­لىمدى ۇسىنادى. اۆتو­بۋس­تارمەن جولاۋشىلار تاسىمالى قازاقستان رەسپۋبليكاسىنىڭ بارلىق قالالارىمەن جانە الىس-جاقىن شەتەلدەرمەن دە قاتىناستىق بايلانىستاعى 146 باعىت بويىنشا جۇرگىزىلەدى. جولاۋشىلاردى تاسىمالداۋ بويىنشا 50 تاسىمالداۋ­شى­لار­مەن كەلىسىم-شارت جاسالعان. بۇدان باسقا رەسەيدىڭ كەيبىر قالالارىنا تۇراقتى قاتىنايتىن 25 ترانزيتتىك رەيس تاعى بار. كۇن سايىن 125 رەيسكە دەيىن ءجو­نەلتىلەدى. سونىمەن قاتار كەزىندە جو­لاۋ­شىلار تاسىمالى بولماي باس تارتىلعان ار­قالىق, شىمكەنت, اقتوبە, جەتىساي, تۇمەن سياق­تى باعىتتار بويىنشا بۇرىنعى باعىتتار قال­پىنا كەلتىرىلدى. قالاارالىق جانە حالىقارالىق ساپارلارعا جايلى, قاۋىپسىز وسى زامانعى اۆتوبۋستار جۇرەدى. قازىرگى كەزدە “استانترانسسەرۆيس” (ديرەكتورى م.ەگەمبەردى), “ۆەنتا” جشس (ديرەكتورى ە.تاۋتانوۆ), Cath Trans (دي­رەكتورى ۆ.ماركشتەيدەر), №4 اۆتوپارك (دي­رەك­تورى ن.سماعۇلوۆ) سياقتى تاسىمالداۋشىلار نەگىزگى باعىتتاردى جۇزەگە اسىرادى. “ساپارجاي-استانا” ارقىلى 2009 جىلعا 879287 جولاۋشى تاسىمالدانسا, 2010 جىلدىڭ 5 ايىندا 276301 جولاۋشى تاسى­مال­دان­دى. اۆتوۆوكزالدىڭ جولاۋشىلار وتكىزۋ قابىلەتى تاۋلىگىنە 4000 جولاۋشىنى قامتا­ما­سىز ەتەدى. مەيرام الدىنداعى كۇندەردە قىزمەت كورسەتۋ 5000-6000 جولاۋشىعا دەيىن بارادى. جولاۋشىلار ءۇشىن كولەمى 800 شارشى مەتر بولاتىن كۇتۋ زالى بار. اۆتوۆوكزال عيماراتىندا 150 وتىرعىزۋ ورنى جانە اۆتوۆوكزال اۋماعىندا 392 وتىرعىزۋ ورىن­دارى جابدىقتالعان. بيلەتتەردى ساتۋدى ەسەپتەۋ جۇيەسى كومپيۋتەرلەنگەن. اۆتوۆوكزالدىڭ جەكە كۇزەت قىزمەتى, سونداي-اق ءىىب پوستىق قىزمەت پۋنكتى جولاۋشىلاردىڭ تىنىشتىعىن قورعايدى. جولاۋشىلارعا ءمىنسىز قىزمەت كورسەتۋ ءبىزدىڭ تاجىريبەلى ماماندارىمىزدىڭ ناتيجەلى جۇمىسىنىڭ ارقاسى ەكەندىگى داۋسىز. اۆتوۆوكزالدا ديسپەتچەرلىك پۋنكتپەن ەلەك­ترون­دى بايلانىس جۇيەسى ارقىلى جالعاسقان اۆتو­مات­تان­دى­رىل­عان كاسسا, ەكى تىلدە حابارلاما جۇرگىزەتىن انىقتاما بيۋروسى جۇمىس ىستەيدى. مۇندا وزدەرىنىڭ ەڭبەك جولدارىن ۇزاق جىلدار بويى ءبىزدىڭ مەكەمەمىزبەن ۇش­تاس­تىرعان ءوز ءىسىنىڭ كاسىبي شەبەرلەرى قىزمەت اتقارادى. ماسەلەن, وسىدان 21 جىل بۇرىن ۇجىم تابالدىرىعىن اتتاعان ايسۇلۋ مول­داياروۆا اۋىسىم ديسپەت­چەر­لەرىنىڭ باستىعى بولسا, 12 جىل بۇرىن اۆتوۆوكزالعا ديسپەتچەر-حابارلاۋشى قىزمەتىنە قابىل­دان­عان ەكى ءتىلدى جەتىك بىلەتىن سۆەتلانا تراپەزنيكوۆا بۇگىندە اۋىسىم باستىعى بولىپ ەڭبەك ەتەدى. سونىمەن بىرگە وسىدان 18 جىل بۇرىن وسى ۇجىمدا ەڭبەك جو­لىن باستاعان ايتجان قازكەنوۆا كاسسير قىزمەتىن اتقارادى. ونىڭ ءىسىن ايگۇل دۇيسەنباەۆا سياقتى ارىپتەستەرى ءساتتى جالعاستىرۋدا. كەز كەلگەن كولىك بەكەتىنىڭ باستى مىندەتى تالابى جوعارى جولاۋشىلاردىڭ تالعامىنا ساي قىزمەت كورسەتۋ بولسا, “ساپار­جاي-استانا” جشس وسى ماقسات بيىگىنەن كو­رىنۋ جولىندا قولدان كەلگەننىڭ ءبارىن جاساپ كەلەدى. الداعى ۋاقىتتا دا وسى مەرەيلى مىندەت ۇدەسىنەن تايماق ەمەس. باعدات بايجانوۆ, “ساپارجاي-استانا” جشس ديرەكتورى.