بەسىنشى ماۋسىم كۇنى ساعات 11:30 شاماسىندا جالاعاش اۋدانى پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ باستىعى, پوليتسيا مايورى ەرجان ابدرامانوۆ پەن پاترۋلدىك پوليتسيا توبىنىڭ اعا ينسپەكتورى, پوليتسيا لەيتەنانتى ەرنۇر وتەش وزدەرىنە قاراستى ايماقتى ارالاۋعا شىققان ەدى. اينالاعا ءجىتى كوز سالىپ كەلە جاتقان ولار جولعا اتىپ شىققان بەيتانىس ادامنىڭ تەگىن جۇرمەگەنىن سەزىپ, كولىكتى توقتاتادى. جانۇشىرا جەتكەن جىگىت بۇقارباي باتىر ەلدى مەكەنى اۋماعىنداعى «سەۆەرنىي» كانالىندا ءبىر ازاماتتىڭ سۋعا باتىپ بارا جاتقاندىعىن ايتادى.
جاعدايدى تەز باعامداعان ەرجان ابدرامانوۆ ويلانباستان سۋعا سەكىرىپ, ءال دارمەنى كەتە باستاعان جىگىتتى جاعاعا الىپ شىعىپتى. دەر كەزىندە كورسەتىلگەن دارىگەرگە دەيىنگى كومەكتەن كەيىن جاس جىگىت ەسىن جيدى. وقىس وقيعانىڭ قالاي بولعانى انىقتالدى.
سۋعا باتقان ازامات قىزىلوردا قالاسىنداعى جوعارى وقۋ ورىندارىنىڭ ءبىرىنىڭ ستۋدەنتى بولىپ شىقتى. كانال جاعاسىنا كۇرىشتىكتىڭ سۋىن تەكسەرۋگە كەلگەن ساتىندە اياعى تايىپ كەتىپتى.
وبلىستىق پوليتسيا دەپارتامەنتىنىڭ باسشىلىعى جاس جىگىتتى اجال اۋزىنان اراشالاپ قالعان قىزمەتكەرلەرىن ماراپاتقا ۇسىناتىنىن ايتىپ وتىر.
قىزىلوردا
