باتىس قازاقستان وبلىسىندا قازاقستان جازۋشىلار وداعىنىڭ 23 مۇشەسى بار. ءوڭىر باسشىسى جاقىندا وسى قالامگەرلەرمەن كەزدەسىپ, بۇدان بىلاي داستۇرگە اينالاتىن وبلىس اكىمىنىڭ ءبىر رەتتىك ستيپەندياسىن تابىس ەتتى.
قازاقستان جازۋشىلار وداعى باتىس قازاقستان وبلىستىق فيليالىنىڭ جەتەكشىسى, وداقتىڭ باتىس وبلىستار بويىنشا حاتشىسى باۋىرجان حاليوللا وبلىس اكىمىنە جەرگىلىكتى قالامگەرلەردى جاقىن تانىستىرىپ, ادەبيەت سالاسىنداعى كەيبىر كەلەلى ماسەلەلەردى ايتىپ ءوتتى. جاقىندا عانا الماتى قالاسىندا وتكەن قازاقستان جازۋشىلارىنىڭ كەزەكتى XVI قۇرىلتايىنا ورالدىق اقىن-جازۋشىلاردىڭ ۇيىمشىلدىقپەن بارىپ-قايتۋىنا قولداۋ بىلدىرگەنى ءۇشىن ءوڭىر باسشىسىنا العىس ايتتى.
كەزدەسۋدە اقجايىق قالامگەرلەرىنىڭ اقساقالى, 83 جاستاعى اقىن ايتقالي نارىكوۆ ءسوز الىپ, ناريمان تورەعالي ۇلىنا ءوزىنىڭ جاڭا كىتابىن سىيعا تارتتى. بۇدان كەيىن اقىندار داريعا مۇشتانوۆا, عايساعالي سەيتاق, ت.ب. ءسوز الىپ, ادەبي كىتاپتاردىڭ تارالىمى, جاڭا شىعارماشىلىق جوبالار تۋرالى ايتىپ ءوتتى. قالامگەرلەر اقجايىق وڭىرىندەگى اقىن-جازۋشىلاردىڭ الداعى ۋاقىتتا وقىرماندى قۋاتتى شىعارمالارىمەن قۋانتا بەرەتىنىن جەتكىزدى.
جيىن بارىسىندا باۋىرجان حاليوللا سوڭعى كەزدەرى سىرقاتتانىپ, ادەبي ورتادان سىرت قالىپ جۇرگەن قايراتكەر اقىن ايسۇلۋ قادىرباەۆاعا ءدال وسىنداي ءبىر جولعى ستيپەنديا تابىستالاتىنىن ايتتى.
باتىس قازاقستان وبلىسى
