مىسالى, وسى كۇنى قالا اكىمدىگى باستاپ, بايقوڭىر اۋدانى اكىمى اپپاراتىنىڭ قىزمەتكەرلەرى مەن قارۋلى كۇشتەردىڭ ۇلتتىق اسكەري-پاتريوتتىق ورتالىعىنىڭ جەكە قۇرامى بىرلەسىپ, مەملەكەتتىك اسكەري-تاريحي مۋزەي الدىندا ءانۇران شىرقادى. ەسكە سالار بولساق, بيىل قورعانىس مينيسترلىگىنىڭ نۇسقاۋىمەن 3 مامىردا استانا قالاسىندا قارۋلى كۇشتەردىڭ تاريحىندا العاش رەت شىعارماشىلىق جاساعى قۇرىلعان-تىن. بۇل قۇرامعا استانا جانە الماتى, سەمەي قالالارىنان سارباز جيناقتالعان. ورايلى ساتتە قارۋلى كۇشتەردىڭ ۇلتتىق اسكەري-پاتريوتتىق ورتالىعىنىڭ باسشىسى ارمان اسەنوۆ مەملەكەتتىك رامىزدەردىڭ ساربازداردى جىگەرلەندىرەتىنىن ايتتى.
– ءبىزدىڭ تولقىن مەملەكەتتىك رامىزدەردىڭ قانداي قيىندىقتاردان ءوتىپ قابىلدانعانىن بىلەدى. سوندىقتان ءبىز جاس ساربازدار مەملەكەتتىك تۋ, ەلتاڭبا, انۇرانعا بوي تۇزەۋىمىز كەرەك دەپ ەسەپتەيمىز. ۇلتتىق اسكەري-پاتريوتتىق ورتالىعى جاستاردى وتانسۇيگىشتىككە تاربيەلەۋدى ماقسات تۇتقان. مەملەكەتتىك رامىزدەر – ەلدىگىمىزدىڭ, تۇراقتىلىعىمىزدىڭ سيمۆولى. ءبىز وسىنى ماقتان تۇتىنۋىمىز كەرەك. ەلىمىزدىڭ مەملەكەتتىك رامىزدەرىنە نازار اۋدارعان كەز كەلگەن ادام ءبىزدىڭ وزگە مەملەكەتتەرمەن ىنتىماقتاستىقتا ەركىن ءومىر ءسۇرىپ جاتقانىمىزدى بىلەدى دەپ ويلايمىن. ارينە, ءبىز بۇعان بەك قۋانىشتىمىز, دەدى ا.اسەنوۆ.
كوپ ۇزاماي كوپشىلىكتىڭ الدىنا بايقوڭىر اۋدانىنىڭ اكىمى ەرلان جاۋلىباەۆ شىعىپ, اۋدان تۇرعىندارىن قۇتتىقتادى.
– ءبىزدىڭ مەملەكەتتىك رامىزدەر حالقىمىزدىڭ تاريحى مەن تاعدىرىن, ۇلى ماقساتتارعا ۇمتىلىسىن تانىتادى. تاۋەلسىزدىك جىلدارىنداعى ءتول رامىزدەرىمىز دۇنيەگە كەلگەن كۇن بارشامىز ۇمىتپايتىن ساتكە اينالدى. مەملەكەتتىك رامىزدەرىمىز – تەك كوركەم وبراز عانا ەمەس, تاۋەلسىزدىكتىڭ سيمۆولى. قىران بەينەلەنگەن كوك تۋىمىز, شاڭىراق شىرايلى ەلتاڭبامىز, ءانۇرانىمىزدىڭ اسەرلى اۋەنى مەن رۋحتى ءماتىنى بۇگىندە تاۋەلسىز ەلىمىزدى الەمگە تانىتقان ۇلتتىق ايشىعى
مىزعا اينالدى», دەدى ول.
رامىزدەر كۇنىندە تۇرعىندار ەلورداداعى كوپپاتەرلى ۇيلەردىڭ تۇرعىندارى كەلىسىپ, بالكون, تەرەزەگە مەملەكەتتىك تۋ ءىلدى. سونىمەن قاتار مەرەكە قارساڭىندا قالاداعى بايقوڭىر اۋدانىندا اباتتاندىرىلعان 5 جاڭا اۋلا اشىلدى. اتالعان اۋلالاردا مەرەكەلىك ءىس-شاراعا قاتىسقان تۇرعىندار جەرگىلىكتى اكىمدىككە العىس ايتىپ, شات-شادىمان بولىستى.
