«ورتالىق ازيا «قىتاي – ەۋروپا» باعىتى بويىنشا قۇرلىقتاعى ترانزيتتىك تاسىمالداردىڭ 80 پايىزدان استامى ءۇشىن وزىندىك كوپىر سانالادى. بۇل رەتتە قازىرگى كەزەڭدە ترانسكاسپي حالىقارالىق كولىك باعىتى ستراتەگيالىق ماڭىزعا يە بولدى. بۇل باعىت وڭىرلەرىمىز اراسىنداعى ءوزارا قارىم-قاتىناس دەڭگەيىن ەداۋىر ارتتىرا الادى», دەدى قاسىم-جومارت توقاەۆ.
پرەزيدەنتتىڭ ايتۋىنشا, جۋىردا قىتايدىڭ سيان قالاسىندا لوگيستيكالىق تەرمينالدىڭ ىرگەتاسى قالاندى. مەملەكەت باسشىسىنىڭ پايىمداۋىنشا, بۇل پورت ورتالىق ازيا تەرريتورياسى ارقىلى ەۋروپاعا تىكەلەي كونتەينەرلىك پويىزداردى جىبەرۋ ءۇشىن ماڭىزدى حاب بولماق.
«سونداي-اق ءبىز ترانسكاسپي باعىتىن قىتايدىڭ ء«بىر بەلدەۋ, ءبىر جول» باستاماسىمەن ۇشتاستىرۋعا ۋاعدالاستىق. بىلتىر وسى كۇرە جول ارقىلى شامامەن 1,7 ميلليون توننا جۇك تاسىمالدانعانىن اتاپ وتكىم كەلەدى. بۇل 2021 جىلعى كورسەتكىشتەن ەكى ەسە كوپ», دەدى قاسىم-جومارت توقاەۆ.
