Gallup - ادام بويىنداعى 34 قاسيەتتى انىقتاۋعا ارنالعان ەڭ ءتيىمدى تەست. تەستتى 1999 جىلى امەريكالىق پسيحولوگ دونالد كليفتون قولدانىسقا ەنگىزگەن. كوپشىلىك ونى Gallup دەپ اتاعانىمەن تەستتىڭ رەسمي اتاۋى – CliftonStrengths34.
تەستىڭ نەگىزگى ماقساتى – ادامداردىڭ مىقتى قابىلەتتەرىن انىقتاۋ ارقىلى سول باعىتتا دامىتۋ. اقىلى نەگىزدە تاپسىرىلاتىن تەستتىڭ قۇنى - 50 دوللار, تەڭگەگە شاققاندا - 22 500 تگ. تەست 177 سۇراقتان تۇرادى, ءار سۇراققا 20 سەكۋند ۋاقىت بەرىلەدى. تەستتىڭ دۇرىس ناتيجەسىن كورگىڭىز كەلسە, كوپ ويلانباي, شىنايى جاۋاپ بەرگەنىڭىز ءجون. تولتىرعاننان كەيىن ناتيجەسى بىردەن كورىنەدى. سونىمەن قاتار, بۇل تەست قابىلەتىڭىزدى ارتتىرۋ جولىندا ناقتى ارەكەتتەردى ۇسىنادى. تەستتى اياقتاعاننان كەيىن جاۋاپتارعا قاراي شامامەن 25 بەتتەن تۇراتىن تەست ناتيجەسى بەرىلەدى. سول ناتيجەنى Gallup تەستىنىڭ اناليزىن جاسايتىن ارنايى ماماندارمەن بىرگە تالدايسىز.
تەست ادام بويىنداعى تالانتتاردى ءتورت باعانعا بولەدى:
1) ورىنداۋشى;
2) ىقپال ەتۋشى;
3) قارىم-قاتىناس قۇرۋشى;
4) ستراتەگيالىق ويلاۋ قابىلەتى.
سونىمەن قاتار, 34 قابىلەتتى دامۋ بەيىمدىلىگىنە قاراي رەتىمەن كورسەتىپ بەرەدى. باستاپقى 10 قابىلەت – ءسىزدىڭ ەڭ كۇشتى تالانتىڭىز. تەستى Gallup.com سايتىنا كىرىپ, ونلاين تولەم جاساپ, ورىس تىلىندە تاپسىرا الاسىز. تاعى ءبىر قىزىعى, الەمدەگى ەڭ مىقتى كومپانيالاردىڭ 90 پايىزى ادامداردى وسى تەست بويىنشا جۇمىسقا قابىلدايدى ەكەن.
ساياجان قۇدايبەرگەن,
ل.ن.گۋميلەۆ اتىنداعى ەۇۋ ستۋدەنتى
