فورۋمعا قازاقستان رەسپۋبليكاسى پرەزيدەنتiنiڭ جانىنداعى جانە وبلىس, اۋدان اكىمدەرى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسيا مۇشەلەرى, اقتوبە وبلىسى بويىنشا جالپى ءبىلىم بەرەتىن ورتا مەكتەپتەردىڭ مۇعالىمدەرى مەن پسيحولوگتارى, بالالارمەن جۇمىس جونىندەگى قوعامدىق ۇيىمداردىڭ قىزمەتكەرلەرى, قۇقىق قورعاۋ ورگاندارى, جوعارى وقۋ ورىندارىنىڭ وكىلدەرى, ق.جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ ءبىلىم الۋشىلارى, ۋنيۆەرسيتەت باسشىلىعى جانە پروفەسسور-وقىتۋشىلار قاتىستى.
فورۋمنىڭ ماقساتى – بالالارعا قاتىستى زورلىق-زومبىلىقتىڭ وزەكتى ماسەلەلەرىن تالقىلاۋ جانە شەشۋ جولدارىن ىزدەستىرۋ.
فورۋمعا شاقىرىلعان سپيكەرلەردىڭ اراسىندا پسيحولوگتار, پسيحواناليتيكتەر جانە قۇقىق قورعاۋشىلار بار.
فورۋم جۇمىسى اياسىندا پسيحواناليتيك, ورتالىق ازيا پسيحواناليز ينستيتۋتىنىڭ ديرەكتورى اننا قۇدياروۆا پسيحواناليز تۇرعىسىنان وزەكتى تاقىرىپتا ءدارىس وقىپ, زورلىق-زومبىلىقتىڭ الدىن الۋ جانە بالالار قاۋىپسىزدىگى جايلى ايتتى.
سونىمەن قاتار, فورۋم اياسىندا دارىگەر-پسيحياتر تامارا اسيموۆا «پسيحياتريا تۇرعىسىنان جىنىستىق زورلىق-زومبىلىق» تاقىرىبىندا پرەزەنتاتسيا جاسادى.
قاتىسۋشىلارعا سپيكەرلەرمەن قاتار, ۇلتتىق كوميسسيا مۇشەسى, ادۆوكات ايمان ۋماروۆا مەن «دەنساۋلىق جانە سالاۋاتتىلىق» ورتالىعى ماماندارى شاعىن سەسسيالار مەن شەبەرلىك ساباقتارىن وتكىزدى.
