ىزدەنىس ءىزى

ءسوز ەتكەلى وتىرعان كەيىپكەرىمىز كەزىندە ەڭبەك جولىن اۋىل شارۋا­شىلىعى كەڭشارىندا ماشينا-تراكتور شەبەرحاناسىندا جۇمىس­شى بولۋدان باستاپ, ەڭبەك قىزىل تۋ وردەندى الماتى زووتەحنيكالىق-مال دارىگەرلىك ينستيتۋتىن ۇزدىك ديپلوممەن اياقتاعان جان. سودان كەيىن جەزقازعان وبلىستىق اۋىل شا­رۋا­شىلىعى تاجىريبە ستانساسىندا اعا عىلىمي قىزمەتكەر, ءبولىم باسشىسى, قازاق مال شارۋا­­­شىلىعى تەحنولوگيالىق عىلى­مي-زەرتتەۋ ينستيتۋتىنىڭ اسپي­رانتى, جەزقازعان وبلىستىق اۋىل شارۋاشىلىعى باسقارماسى ءبولىم باستىعى بولدى. وبلىستىق مال تۇ­قىم­دارىن اسىلداندىرۋ ءبىر­لەس­تىگى باسقارما توراعاسى, وب­لىس­­­تىق اۋىلشارۋاشىلىعى ءتاجى­­ريبە ستانساسى ديرەكتورى, قارا­­عاندى وبلىسى شەت اۋدانى اكىمى قىز­مەتتەرىن اتقاردى. ول – باس گازەتى­­مىزدە مال شارۋاشىلىعى سالا­­سىن وركەندەتۋدە وزەكتى ماقا­لالارىمەن وقىرماندار نازا­رىنا ىلىككەن كاكىمجان اح­مەد­جان ۇلى سارحانوۆ. كاكىم­جان احمەدجان ۇلى سوڭعى جىل­دارى عىلىمي جۇمىستارعا بەت بۇرىپ, اۋىل شارۋاشىلىعى مينيسترلىگىنىڭ رەسپۋبليكالىق مال تۇقىمدارىن اسىلداندىرۋ ورتالىعى, «اسىل ت ۇلىك» اكتسيو­نەرلىك قوعامىندا عىلىمي ءبولىم­گە باسشىلىق جاساي ءجۇرىپ, اعىم­داعى جىلدىڭ 30 مامىرىندا قىرعىز ۇلتتىق اگرارلىق ۋنيۆەر­سيتەتىنىڭ ديسسەرتاتسيالىق كەڭەسىن­دە «ورتالىق قازاقستاندا مال شارۋاشىلىعى ونىمدىلىگىن ارت­تى­رۋ­دىڭ عىلىمي-تاجىريبەلىك نە­گىز­دەمەسى» اتتى تاقىرىپتا دوك­­تور­­­لىق ديسسەرتاتسيا قورعادى. وكى­ن­ىشكە قاراي, بۇگىندە, عىلىمي اتاق­تاردىڭ قوعامدا بالەندەي باعا­لانا قويمايتىندىعىن دا ايت­پاسقا بولمايدى. بۇل ورايدا, ەلباسى­مىزدىڭ سوڭعى جىلداردا ەلىمىزدە ديسسەرتاتسيالىق كەڭەستەر سانىنىڭ ەسەلەپ ارتۋىنان, عىلىمي اتاق يەلەرىمەن عىلىمي ەڭبەكتەر ساپاسىنىڭ تومەندەپ كەتكەندىگى تۋرالى ايتقان سىنى ءالى ۇمىتىلا قويعان جوق. كەزىندە كاكىمجان احمەدجان­ ۇلى دا بۇل ماسەلە بويىنشا ءوز وي-پىكىرىن «ەگەمەن قازاقستان» گازەتىندە (16.02.2011 ج.) «ءبىلىم ساپاسى جاقسارسا, عىلىم ساپاسى دا جاقسارادى» اتتى ماقالا ارقىلى بىلدىرگەن بولاتىن. سوندىقتان دا, اتالىپ وتىرعان عىلىمي ەڭبەك­تىڭ باسقالاردان ايتارلىقتاي ەرەكشە­لىكتەرىن اتاپ وتكىمىز كەلەدى. بىرىنشىدەن, ديسسەرتاتسيا تاقى­رى­بىنىڭ ادەتتەگىدەي ءبىر عانا مال ءتۇرى بويىنشا زەرتتەۋلەرمەن شەكتەلمەي, ەلىمىزدىڭ كەڭ-بايتاق ورتالىق قازاقستان وڭىرىندە نەگىزگى دەگەن اۋىل شارۋاشىلىعى مال تۇرلەرىن تولىقتاي قامتۋى, مال باستارى ونىمدىلىگىن ارتتىرۋدا سەلەكتسيالىق تاسىلدەرمەن قوسا شارۋاشىلىق جۇرگىزۋ, مەملەكەتتىك رەتتەۋ, يننوۆاتسيالىق قولداۋ جانە اۋىلداعى جۇمىسسىزدىق ماسە­لەلەرىمەن بايلانىستىرىلا زەرت­تەلۋى بۇل عىلىمي-تاجىريبەلىك جۇمىسقا تىڭ جاڭالىقتار اكەلگەن. سونداي-اق, ەڭبەك اۆتورى دا ديس­سەرتاتسيالىق كەڭەستە قىرعىز عالىم­دارىنىڭ تمد ەلدەرىندە مۇنداي تاقىرىپتا كەڭ كولەمدە, نارىقتىق جۇيە ەرەكشەلىكتەرىن دە قامتىعان تۇڭعىش عىلىمي ەڭبەك دەپ باعالاپ, ءبىراۋىزدان قولداعانىن ومىردەگى قۋانىشتارىنىڭ ەرەكشە ءبىر ءساتى بولعانىن جاسىرمايدى. ەكىنشىدەن, بۇگىندە عىلىمي اتاقتار, كوبىنە عىلىمي سالادان گورى, مەملەكەتتىك قىزمەتتە قوسىم­شا بەدەل جينايتىن دارەجە رەتىندە پايدالانىلاتىندىعى دا جاسىرىن ەمەس. بۇل تۇرعىدا اتالعان عىلىمي ەڭبەك يەسىنىڭ زەينەتكەرلىك جاستا, عىلىم كانديداتى اتانعاننان 30 جىل وتكەندە قاجىماي-تالماي مامان­­دىعى بويىنشا دوكتورلىق ديس­سەرتاتسيا قورعاۋى عىلىمعا شى­نا­يى بەرىلگەندىگىنىڭ بەلگىسى بولسا كەرەك. ءسوز سوڭىندا, كاكىمجان احمەد­جان­ ۇلىنا عىلىمي اتاعىڭىز قۇتتى بولىپ, ەڭبەگىڭىزدىڭ جەمىسىن كورە بەرىڭىز دەمەكپىز. سەيفوللا شايىنعازى, «ەگەمەن قازاقستان».