جالعان دارىلەردەن ساقتانىڭىز

استانا. 18 شىلدە. جالعان دارىلەردىڭ پايدا بولۋىنىڭ بەلگىلى قاۋىپتەرى بار. ول ەڭ الدىمەن الەمدىك جالعان دارىلەر اينالىسىنىڭ ارتۋىمەن بايلانىستى. بۇل تۋرالى دەنساۋلىق ساقتاۋ مينيسترلىگى حابارلادى. مينيسترلىكتىڭ حابارلاۋىنشا, كەلىپ تۇسكەن ارىز-شاعىمدار بويىنشا بەلگىلى حالىقارالىق برەندتەردىڭ جالعان ءتۇرىنىڭ 90-نان اسا فاكتىسىنىڭ انىقتالعانىن ايتۋعا بولادى.  مىسالى, سونىڭ ىشىندە «فارينگوسەپت», «نو-شپا», «ەسسەنتسيالە», «ن فورتە», «ۆياگرا», «مەزيم فورتە», سۋمامەد» جانە باسقا دا دارىلەر ءجيى كەزدەسەدى. قر كودەكسىندە 2006 جىلدان باستاپ جالعان مەديتسينالىق ونىمدەردى وندىرگەنى, ساتىپ العانى, ساقتاعانى جانە وتكىزگەنى, سونداي-اق جارنامالاعانى ءۇشىن اكىمشىلىك جاۋاپكەرشىلىك ايقىندالعان. ال, 2013 جىلعى تامىز ايىنان باستاپ جالعان مەديتسينالىق ءونىمدى انىقتاۋ كەزىندە الداعى جۇرگىزىلەتىن تەكسەرۋ تۋرالى جەكە كاسىپكەرلىك سۋبەكتىلەرىنە حابارلاما جىبەرۋ قاجەتتىلىگى الىنىپ تاستالدى, دەپ حابارلادى دەنساۋلىق ساقتاۋ مينيسترلىگىنىڭ ءباسپاسوز قىزمەتى. ايگۇل سەيىلوۆا. فوتو: www.google.com دەرەككوز: قازاقستان رەسپۋبليكاسى دەنساۋلىق ساقتاۋ مينيسترلىگى.