* شىعىس قازاقستان وبلىسى كۇرشىم اۋدانىنىڭ 265 تۇرعىنى 3 جىلدا بيزنەستى دامىتۋعا 600 ملن. تەڭگە نەسيە الدى. كاسىپكەرلەردىڭ وسىنشا كولەمدەگى قارجىعا قىمىز, بيداي, بال, جۇمىرتقا, وسىمدىك مايى, قاربىز, پيما سياقتى ازىق-ت ۇلىك جانە ءونىم تۇرلەرىن دايىنداۋدى قولعا العانىن ايتقان وبلىس اكىمى بەردىبەك ساپارباەۆ مۇنىڭ ءبارىنىڭ «جول كارتاسى-2020» باعدارلاماسى ارقىلى قول جەتكەنىن العا تارتتى.
*سولتۇستىك قازاقستاندا ينۆەستيتسيا كولەمى جارتى جىلدا 7,2 پايىزعا ارتتى. ستاتيستيكا دەپارتامەنتىنىڭ باسشىسى ولگا پەرەپەچينانىڭ ايتۋىنشا, جىلدىڭ العاشقى جارتىسىندا بۇل كورسەتكىش 34,3 ملرد. تەڭگەنى قۇراعان. سونىڭ ىشىندە نەگىزگى كاپيتالعا تارتىلعان ينۆەستيتسيانىڭ 79,8 پايىزى شارۋاشىلىق سۋبەكتىلەرىنىڭ جەكە قارجىسى, 12 پايىزى مەملەكەتتىك بيۋدجەت قارجىسى, 6,5 پايىزى وزگە دە زاەم قاراجاتتارى, 1,7 پايىزى بانك نەسيەسى بولعان.
*شىمبۇلاق شاتقالىندا داۋنحيل پاركى قاتارعا قوسىلدى. وسىنداعى تاۋ شاڭعىسى كۋرورتى جاز مەزگىلىندە ۆەلوسپورت ماۋسىمىن اشتى. ول ۆەلوسيپەدپەن تاۋدان قۇلديلاۋ – كاسىبي داۋنحيل بايك تراسساسىنىڭ پايدالانۋعا بەرىلۋى ارقاسىندا مۇمكىن بولدى.
*شىمكەنتتە جۇرتشىلىققا «ەلەكتروندى قازاق ءۇي» جوباسى تانىستىرىلدى. بۇل شارا كەشە وبلىستىق ىشكى ساياسات باسقارماسىنىڭ قولداۋىمەن «وڭتۇستىك قازاقستان» گازەتىنىڭ ءباسپاسوز ورتالىعىندا ءوتتى. ەلەكتروندى قازاق ءۇي 4 نەگىزگى بولىمنەن تۇرادى.
*قىزىلوردا وبلىسىنىڭ شيەلى اۋدانىندا العاشقى روبوتتاندىرىلعان ءدارىحانا اشىلدى. مۇنداي فورماتتاعى فارماماركەت بۇعان دەيىن استانا جانە وسكەمەن قالالارىندا قاتارعا قوسىلعان ەدى. ەكى قاباتتان تۇراتىن ءدارىحانانىڭ العاشقى قاباتىندا فارماماركەت ورنالاسقان. ال دەنساۋلىق پەن سۇلۋلىققا ارنالعان ەكىنشى قاباتىندا ۋدز, كوسمەتولوگ, پەدياتر, تەراپەۆت, ماسساج بولمەلەرى بار. ءدارىحانا كۇن ساۋلەسى ەنەرگياسىمەن قامتاماسىز ەتىلگەن.
*كەشە الماتىدا 200 مۇقتاج وتباسىعا ازىق-ت ۇلىك تاراتىلدى. ول «رامازان سىيى» اكتسياسى اياسىندا ءوتتى. الماتى ورتالىق مەشىتى مەن «زەكەت» قورى مۇقتاج وتباسىلارعا ۇن, قانت, كۇرىش, سۇيىق ماي, ماكارون ونىمدەرىنەن تۇراتىن ازىق-ت ۇلىك پاكەتىن ۇسىندى.
حابارلار «قازاقپارات», BNews.kz, Altaynews.kz,
Egemen.kz سايتتارىنىڭ دەرەكتەرى بويىنشا دايىندالدى.
