اۋدارماشىنىڭ ايتۋىنشا, كىتاپ تەك بالالارعا عانا ەمەس, ەرەسەكتەر ءۇشىن دە قىزىقتى. سەبەبى تۋىندى تارتىمدى تىلمەن تانىمدىق سيپاتتا جازىلعان. وقىرمان تۋىندىدان «قىزىل كىتاپقا» ەنگەن جانۋارلار الەمى, قۇستار مەن سيرەك كەزدەسەتىن وسىمدىكتەر تۋرالى قىزىقتى اقپاراتتار الادى. كىتاپتا كاسپي جاعالاۋىنداعى فلورا مەن فاۋنا تۋرالى قىزىقتى مالىمەتتەر دە بار. شىعارما ۇلتتىق تانىمعا نەگىزدەلىپ, وندا اتا مەن نەمەرەنىڭ قارىم-قاتىناسى, قازاقتىڭ ءتورت ت ۇلىككە قاتىستى ۇستانىمدارى سياقتى قازاققا قاستەرلى ۇعىمدار قامتىلعان.
اتالعان ەڭبەكتە اقتاۋدا تۇراتىن الكا ەسىمدى بالانىڭ باستان كەشكەن وقيعالارى باياندالادى. وعان اتاسى وتباسىنىڭ قاسيەتتى مۇراسى – كۇمىس تۇماردى سىيلايدى. سودان بالانىڭ بويىنا سيقىرلى قاسيەت ءبىتىپ, جانۋارلار مەن قۇستاردىڭ ءتىلىن ۇعا باستايدى. وسى ارقىلى قيىن جاعدايعا تاپ بولعاندارعا كومەكتەسەدى. تابيعاتتى قورعاپ, ايالاۋعا شاقىراتىن كىتاپتى ەكولوگيالىق تۋىندى دەسەك تە بولادى.
رىمبالا سمايىلوۆا قاراعاندى قالاسىندا تۇرادى. ماماندىعى پوليگرافيست بولعانىمەن, جۇبايى, جازۋشى-پۋبليتسيست, اۋدارماشى مارال حاسەننىڭ ىقپالىمەن ادەبي اۋدارماعا كەلگەن. اتاپ وتەرلىگى ول جازۋشى اياقتاي الماي كەتكەن اۋدارمالاردى ءتارجىمالاپ تامامداعان. مۇنداي شىعارمالاردىڭ قاتارىندا سۆەتلانا الەكسيەۆيچتىڭ «مىرىشقا اينالعان قىرشىندار», ەليس مونرونىڭ «شات-شادىمان كولەڭكەلەردىڭ ءبيى» اتتى كىتاپتارى بار. سونىمەن قاتار ر.سمايىلوۆا گارري گرەيدىڭ ء«بىر كەزدەرى امەريكادا» اتتى تۋىندىسىن قازاقشالاعان.
مەرەي اۋعالي,
ل.ن.گۋميلەۆ اتىنداعى ەۇۋ-ءدىڭ ستۋدەنتى
