ەسكە سالا كەتەيىك, 22 مامىردا ساعات 15:25-تە اباي وبلىسىنىڭ بورودۋليحا اۋدانىندا اۋىل ستانتسياسىنان 7 كم قاشىقتىقتا قۇرعاق ءشوپ تۇتانىپ, كەيىننەن «سەمەي ورمانى» رەزەرۆاتى اۋماعىنا كوشتى. ءورتتىڭ جالپى اۋماعى - 1500 گا.
ورمان شارۋاشىلىعى جانە جانۋارلار دۇنيەسى كوميتەتى حابارلاعانداي, بۇگىن جالىن شارپىعان اۋماق ۇستىنەن 5 تىكۇشاق سۋ شاشىپ ءجۇر.
توتەنشە جاعدايلار مينيسترلىگىنىڭ مالىمەتىنشە, ءورتتى سوندىرۋگە بارلىعى 434 ادام, 109 بىرلىك تەحنيكا مەن ءورت ءسوندىرۋ پويىزى جۇمىلدىرىلعان.
ورمان ءورتى ەكى وشاققا ءبولىندى – رەسەي شەكاراسى بويىمەن شىعىس باعىتتا جانە شەكارادان بورودۋليحا اۋدانى يۆانوۆكا اۋىلىنا قاراي ىشكى باعىتتا.
«ەلدى مەكەندەرگە تونگەن قاۋىپكە بايلانىستى بەرەزوۆكا شيپاجايى مەن بەرەزوۆكا پودحوزىنان 277 ادام ءوز بەتىنشە تۋىستارىنا ەۆاكۋاتسيالاندى», دەپ تولىقتىردى تجم ءباسپاسوز قىزمەتى.
