پوليتسياعا 6 گراناتا اكەلدى

تۇرعىنداردان تىركەل­­­مەگەن قارۋ مەن وق جاراق­­تارىن قابىلداۋ بويىنشا رەسپۋبليكالىق اكتسيا جامبىل وبلىسىندا جالعاسىن تابۋدا. تارازدىڭ 28 جاسار تۇرعىنى پوليتسياعا ءوز ءۇيىنىڭ گاراجىنداعى ەسكى زاتتار اراسىنان, شاماسى قولدان جاسالىنعان اسكەري گراناتالار بولۋى مۇمكىن, تۇتاندىرعىشتارى بولەك جاتقان 6 گراناتا تاۋىپ العانىن حابارلاعان. ءسويتىپ, گاراجىن رەتكە كەلتىرەمىن دەپ شەشكەن جاس جىگىت ءبۇ­تىندەي اسكەري ارسەنال سا­لىنعان قاپشىققا تاپ بولىپتى. وسىدان بىرنەشە جىل بۇرىن اكەسىنىڭ قايتىس بول­عان دوسىنىڭ ءوتىنىشى بويىن­شا وسى قاپشىق باسقا دا زاتتارمەن بىرگە گاراج­عا اكەلىنگەن ەكەن. ونىڭ اراسىندا جارىلعىش زاتتاردىڭ بولۋى تۋرالى جاس جىگىت ەشبىر كۇدىكتەنىپ تە كورمەپتى, ال قازىر بولعان وقيعا جونىندە بىردەن پوليتسياعا حابارلاعان. توتەنشە وقيعا ورنىنا ۇققب قىزمەت­­­­كەرلەرى, ءىىد «ارلان» ارنايى ماقسات­تاعى ءبولىنىس, تاراز قالاسى ءىىب 3-پب كري­مي­نا­ليستەرى مەن انىق­تاۋشىلارى شۇعىل رەت­تە جەتتى. تابىلعان «ولجا» رگد-5 ءاس­كە­ري گراناتالارى دە­­گەن الدىن الا بولجام ايتىل­دى. ايتا كەتەيىك, قارۋ مەن اتۋ جاراقتارىن ءوز ەر­كىمەن وتكىزگەن تۇل­­عا­لار قىل­مىستىق جاۋاپ­كەر­شى­لىكتەن بوساتىلادى. ءسابيت مامىتبەكوۆ, تاراز قالاسى ءىىب 3-پب باستىعى, پوليتسيا پولكوۆنيگى.