قاراعاندى وبلىسىنداعى «سپاسسك» وقۋ ورتالىعىندا ارنايى ماقساتتاعى بولىمشەلەرى مەرگەندەر جۇبىنىڭ «التىن ۇكى – 2014» حالىقارالىق جارىسى باستالدى. قازاقستاندا جىل سايىن وتكىزىلەتىن بۇل شاراعا بيىل رەسەي, ۇلىبريتانيا, يوردانيا, قىتاي, پاكىستان جانە اقش قارۋلى كۇشتەرىنىڭ مەرگەندەر جۇبى قاتىسىپ وتىر.
«التىن ۇكى – 2014» حالىقارالىق جارىسىن اشقان گەنەرال-مايور ولەگ بيجانوۆ: «ءاربىر قاتىسۋشىنىڭ ءوز قۇپيالارى مەن اتىس ادىستەرى بار. سونداي-اق, بيىلعى جارىستار بارىسىندا «وسىندا بەسىنشى رەت وتكىزىلىپ وتىرعان مەرگەندەر ونەرىنىڭ ورتاازيالىق فورۋمىندا بارلىق قاتىسۋشىلاردىڭ ءوز شەبەرلىكتەرىن ارتتىرۋعا مۇمكىندىك بەرەتىن تاجىريبە الماسۋ بويىنشا ۇلكەن جۇمىستار اتقارىلدى», – دەپ اتاپ ءوتتى.
سپاسسكىدە وتەتىن مەرگەندەر جۇبىنىڭ جارىسىندا 38 ۇزدىك مەرگەن ءوز شەبەرلىكتەرىن پاش ەتەتىن بولادى. جارىس 4 كەزەڭنەن تۇرادى. ءاربىر بارلاۋشىعا دەنە جانە اتىس دايىندىقتارى دەڭگەيىن سىنايتىن 16 جاتتىعۋدى ورىنداۋعا تۋرا كەلەدى.
«ەگەمەن-اقپارات».
«ەگەمەن-اقپارات».
