ەلدەگى ەڭ ۇلكەن جاتاقحانا ەسىك اشتى

ءبىلىم جانە عىلىم ءمينيسترى اسلان ءسارىنجىپوۆتىڭ قاتىسۋىمەن قارا­عاندى مەملەكەتتىك تەحنيكالىق ۋني­ۆەرسيتەتى ستۋدەنتتەرىنە ارناپ سا­لىنعان «ارمانداستار ورداسى» جاتاقحاناسى اشىلدى. پرەزيدەنتتىك «ستۋدەنتتەر تۇرعىن ءۇيى» باعدارلاماسى شەڭبەرىندە قىسقا مەرزىمدە بوي كوتەرىپ, پايدالانۋعا بەرىلگەن 822 ورىندىق بۇل قونىس تۇرعىندارىنا قولايلى تۇرمىستىق جاعدايدا الاڭسىز وقۋعا بارلىق مۇمكىندىك جاسالعان. 2-3 ادامدىق بولمەلەرگە وسى زامانعى جيھازدار قويىلعان. سىمسىز عالامتور, ءماسليحات زالى, ەڭ جاڭا مەديتسينالىق جابدىقتارمەن جاراقتالعان دەنساۋلىق پۋنكتى, اسحانا, جاستار يگىلىگىنە قىزمەت ەتەدى. ءدال جانىنداعى «جاستار الەمى» مادەنيەت سارايى مەن سپورت كەشەنى بوس ۋاقىتتارىن پايدالى وتكىزۋىنە ىڭعايلى. – ەلباسىنىڭ ءوزى باستى نازاردا ۇستاپ وتىرعان مەملەكەتىمىزدىڭ ءبىز­دەرگە ارنالعان ايالى قامقورلىعىنا ريزالىعىمىز شەكسىز. سوعان وراي جاق­سى وقىپ, ۇلگىلى تاربيە الىپ, سۇيىكتى قازاقستانىمىزدىڭ ءوسىپ-وركەندەۋىنە لايىقتى ۇلەس قوسۋعا قۇلشىنىسىمىز جوعارى, – دەدى قونىستاستارى اتىنان ءسوز العان 3-كۋرس ستۋدەنتى رۋستام چۋجيكوۆ. مينيستر اتالعان وقۋ ورنىندا بولۋ كەزىندە سونداي-اق, ماشينا جاساۋ, بايلانىس جانە تەلەكوممۋنيكاتسيا باعىتتارى بويىنشا جۇمىسشى ماماندىقتارى ورتالىعى, «مينەرالدىق شيكىزات كەشەندى يگەرۋ» ينجەنەرلىك بەيىندەگى سىناق زەرتحاناسى, دانەكەرلەۋ ينستيتۋتى جۇمىسىمەن تانىستى. ايقىن نەسىپباي, «ەگەمەن قازاقستان». قاراعاندى.