«ايماقتىڭ قاۋىپسىزدىگىن جانە تۇراقتىلىعىن قامتاماسىز ەتۋ – باستى مىندەتتىڭ ءبىرى. قىتايدىڭ بۇل مىندەتتى ورىنداۋعا زور ۇلەس قوسىپ وتىرعانىن قازاقستان جوعارى باعالايدى. قىتاي حالىق رەسپۋبليكاسى ايماقتاعى قاۋىپسىزدىك پەن تۇراقتىلىقتى قامتاماسىز ەتۋ ىسىندە ماڭىزدى ءرول اتقارادى. بارلىق ەلدىڭ اۋماقتىق تۇتاستىعىن جانە ەگەمەندىگىن ساقتاۋعا قاتىستى بەيجىڭنىڭ ۇستانىمى ەش وزگەرگەن ەمەس», دەدى ق.توقاەۆ.
سونداي-اق ول قىتايدىڭ وزگە مەملەكەتتەردىڭ ىشكى ىسىنە ارالاسپاۋ قاعيداتىنان اينىماي كەلە جاتقانىن اتاپ ءوتتى.
«قىتايدىڭ وسى بەرىك ۇستانىمى ەرەكشە قۇرمەتكە لايىق. قازاقستان دا قىتايدىڭ ورتالىق ازياعا قاتىستى جۇرگىزىپ وتىرعان بەيبىت سىرتقى ساياساتىن قۇپتايدى. ءبىز بەيجىڭنىڭ تۇراقتى دامۋعا جانە قاۋىپسىزدىكتى قامتاماسىز ەتۋگە باعىتتالعان باستامالارىن قولدايمىز. ورتالىق ازيانىڭ قاشاندا ىنتىماعى جاراسقان, جاسامپاز ايماق رەتىندە دامىعانىن قالايمىز. وسى ءوڭىردى گەوساياسي تەكەتىرەس الاڭىنا اينالدىرۋعا قارسىمىز», دەدى قاسىم-جومارت كەمەل ۇلى.
