كونفەرەنتسيادا قر قارۋلى كۇشتەرىنىڭ مەملەكەتتىك اسكەري-تاريحي مۋزەيى ديرەكتورىنىڭ ورىنباسارى سىرىم حاسەنوۆ, ۇلتتىق كەڭەس مۇشەسى, ەكونوميكالىق ساياسات ينستيتۋتىنىڭ پرەزيدەنتى قايربەك ارىستانبەكوۆ, تاريح عىلىمدارىنىڭ كانديداتى, ۇلتتىق قىزدار پەداگوگيكالىق ۋنيۆەرسيتەتى قاۋىمداستىرىلعان پروفەسسورى فاكيا شامشيدەنوۆا, ساياساتتانۋ سالاسىندا فيلوسوفيا دوكتورى (PhD), «جوشى ۇلىسىن زەرتتەۋ عىلىمي ينستيتۋتى» ديرەكتورى جاقسىلىق سابيتوۆ, قر ەڭبەگى سىڭگەن قايراتكەر, پەدوگيكا عىلىمدارىنىڭ پروفەسسورى تىلەۋعالي قىشقاشباي, تايبۇعا حان جەكە قورىنىڭ قامقورشىلار كەڭەسىنىڭ توراعاسى اسىلحان يگباەۆ, تاريح جانە قوعامدىق عىلىمدار اكادەمياسىنىڭ اكادەميگى ءجادي شاكەن ۇلى, تاريح عىلىمدارىنىڭ كانديداتى قاليوللا احمەتجان جانە باسقا دا تاريحشىلار, زيالى قاۋىم وكىلدەرى مەن باق وكىلدەرى قاتىستى.
قازاق مەملەكەتىنىڭ قالىپتاسۋىنا ءوز توڭىرەگىندەگى كوپتەگەن تۇركى ۇلىستارىنىڭ تىكەلەي جانە جاناما ىقپالى بولعان ءىرى ۇلىستاردىڭ ءبىرى – تايبۇعا ۇلىسى جانە تايبۇعالىقتار نەگىزىن قالاعان ءسىبىر حاندىعى جايلى تاريحي دەرەكتەر وتاندىق تاريحشى-عالىمداردىڭ نازارىن اۋدارىپ وتىرعانى, قازاقستان تاريحىنىڭ ەجەلگى زاماننان بۇگىنگى كۇنگە دەيىنگى ماڭىزدى تاريحي مۇراسىنىڭ بۇرمالانعان تۇستارى, وسى مادەني مۇرا بويىنشا زەرتتەۋلەر جۇرگىزۋ ماسەلەسى قارالدى.
ءىس-شارا سوڭىندا ء«TاىBUGA HAN» جەكە قورى كەڭەسىنىڭ توراعاسى اسىلحان جۇماباي ۇلى قازاق ۇلتتىق تاريحىن ساقتاۋ جانە دامىتۋ ماقساتىندا تايبۇعا ۇلىسىنىڭ تاريحىمەن بايلانىستى ساباقتاستىق الەۋمەتتىك جانە مادەني قۇندىلىقتاردىڭ ءبىر ۇرپاقتان ەكىنشى ۇرپاققا بەرىلۋى, ۇرپاقتار جالعاسى بولىپ تابىلاتىنى, ۇرپاقتاردىڭ ءتۇرلى تاجىربيەسى, گەنەالوگيالىق ەستافەتاسى كەز كەلگەن حالىقتىڭ رۋحاني مادەنيەتىنىڭ بىرلىگى مەن تۇتاستىعىن ساقتاۋدىڭ تاريحي ساباقتاستىعىن ارقاۋ ەتىپ 2020-2023 جىلدارداعى باتىس ءسىبىردى باسقارعان تايبۇعا حان تاريحىنىڭ عىلىمي-زەرتتەۋ قۇجاتتارى مەن جيناقتارىن استانا قالاسىنىڭ مەملەكەتتىك ارحيۆىنە بولاشاق ۇرپاق يگىلىگى ءۇشىن سىي رەتىندە تاپسىردى.
كونفەرەنتسيا تايبۇعا ەسىمىن ۇلىقتاۋ, عىلىمي اينالىمعا ەنگىزۋ, كوشە, ەلدى مەكەندەرگە, وقۋ ورىندارىنا, اسكەري, سپورتتىق ورىندارعا اتىن بەرۋ, وقۋلىقتارعا كىرگىزۋ, زەرتتەۋ ەڭبەكتەرىن شىعارۋ, ت.ب. سىندى ماسەلەردى شەشىم رەتىندە قابىلدادى.
