قازاقستان تەننيس فەدەراتسياسىنىڭ حابارلاۋىنشا, قازاقستان تەننيسشىسى شيرەك فينالدا الەمنىڭ 1-راكەتكاسى, پولشا وكىلى يگا شۆەنتەكپەن وينادى. وسىعان دەيىن قارسىلاستار ءوزارا ءۇش رەت كەزدەسىپ, سونىڭ ەكەۋىندە بيىل ە. رىباكينا جەڭگەن ەدى.
ءبىرىنشى پارتيادا يگا شۆەنتەك 4:0 ەسەبىمەن العا كەتىپ, سول قارقىنىنان جاڭىلعان جوق – 6:2. ەكىنشى سەتتە دە يگا 4:2 ەسەبىمەن الدا تۇردى. دەگەنمەن, ەلەنا قايىرا برەيك جاساپ, تارازى باسىن تەڭەستىردى. سودان كەيىن تاي-برەيكتە جەڭىستى ج ۇلىپ الدى – 7:6 (7:3). ءۇشىنشى, شەشۋشى پارتيادا ەسەپ 2:2 بولعان مەزەتتە شۆەنتەك جاراقاتىنا بايلانىستى ماتچتى جالعاستىرۋدان باس تارتتى.
ەكى ساعات 19 مينۋتقا سوزىلعان باسەكە بارىسىندا رىباكينا 10 ەيس جاساپ, 1 برەيك-پوينتتى ءمۇلت جىبەرمەدى.
وسىلايشا, بيىل ەلەنا الەمنىڭ ءبىرىنشى راكەتكاسىن ءۇش رەت ۇتتى. رىباكينا فينالعا شىعۋ ءۇشىن الەمنىڭ 20-راكەتكاسى, لاتۆيالىق ەلەنا وستاپەنكومەن كەزدەسەدى. ول شيرەك فينالدا تارتىستى كەزدەسۋدە يسپانيالىق پاۋلا بادوسانى جولدان تايدىردى – 6:2, 4:6, 6:3.
