ءىس-شارانى قازاقستان جازۋشىلار وداعىنىڭ باتىس قازاقستان وبلىستىق فيليالى جانە قادىر مىرزا ءالى اتىنداعى ونەر جانە مادەنيەت ورتالىعى ۇيىمداستىردى. ەسكەرتكىش تاقتانىڭ شىعىنىن مارقۇمنىڭ دوسى, ونەر جاناشىرى ءشاھيدوللا ابۋعالي كوتەرىپ العان.
ءال-فارابي اتىنداعى ۇلتتىق ۋنيۆەرسيتەتتىڭ جۋرناليستيكا فاكۋلتەتىن بىتىرگەن راشيد بۇكىل سانالى ءومىرىن باتىس قازاقستان وبلىستىق تەلەراديو كورپوراتسياسىندا وتكىزدى. ول قالامگەرلىگىنەن بولەك, اقجايىق ءوڭىرىنىڭ مادەنيەتى مەن ونەرى, ايتۋلى تۇلعالارى جايىندا حابارلار تسيكلىن جاساعان رۋحانيات جاناشىرى ەدى. ءراشيدتىڭ ساتيرالىق شىعارمالارىنىڭ ءوزى ء«تامام جاننىڭ ءمىنىن ايت, جالعان ايتپاي, شىنىن ايت, اياپ, ءىشىڭ جىلىپ ايت – ادامدى باستىر ىلگەرى» دەيتۇعىن شاكەرىم ويشىلدىڭ قاعيداسىنا ساي ەدى.
قادىر مىرزا ءالى اتىنداعى ونەر جانە مادەنيەت ورتالىعىنىڭ «جارق ەتىپ سونگەن ءبىر جۇلدىز» جوباسى اياسىندا وتكەن «ساتيرانىڭ سويى» اتتى ەسكە الۋ ءىس-شاراسىندا قالامگەر تۋرالى ارىپتەستەرى باۋىرجان حاليوللا, ساعىنتاي بيسەنعاليەۆ, باۋىرجان عۇبايدۋللين, كلارا حامبەتوۆالار اسەرلى ەستەلىك ايتتى. قازاقتىڭ تاعى ءبىر اياۋلى تۇلعاسى – بارد اقىن تابىلدى دوسىموۆ پەن ءراشيدتىڭ قىلاۋسىز دوستىعى دا اڭگىمە ارقاۋى بولدى. راشيد شاقۋدىڭ «ارىس» باسپاسىنان جارىق كورگەن ء«سوز جەبەسى» اتتى كىتابىن اقىننىڭ قارىنداسى ءاليا شاقۋوۆا كەڭىرەك تانىستىرىپ ءوتتى.
ء«بىز ومىرىنە قالامدى سەرىك ەتىپ, قازاقتىڭ ونەرى مەن مادەنيەتىنە ەڭبەك سىڭىرگەن ارىپتەستەرىمىزدى ءاردايىم ۇمىتپايمىز. بولاشاقتا «قۇرمەت» وردەنىنىڭ, قازاقستان پارلامەنتىنىڭ «پارلامەنت ءسوزى» سىيلىعىنىڭ لاۋرەاتى, رەسپۋبليكالىق «Egemen Qazaqstan» گازەتىندە ۇزاق جىل قىزمەت اتقارعان تانىمال جۋرناليست تەمىر قۇسايىن اعامىزدىڭ دا تۇرعان ۇيىنە وسىنداي ەسكەرتكىش تاقتا اشىلاتىن بولادى», دەپ حابارلادى قازاقستان جازۋشىلار وداعى باتىس قازاقستان وبلىستىق فيليالىنىڭ ديرەكتورى باۋىرجان حاليوللا.
باتىس قازاقستان وبلىسى
