ءتۋرنيردىڭ اشىلۋىنا قر مادەنيەت جانە سپورت ءمينيسترى اسحات ورالوۆ, استانا قالاسى اكىمىنىڭ ورىنباسارى ەرلان بەكمۋرزاەۆ, قازاقستان ايەلدەر, گرەك-ريم جانە ەركىن كۇرەس فەدەراتسياسىنىڭ پرەزيدەنتى, قر پارلامەنت ءماجىلىسىنىڭ دەپۋتاتى داۋلەت تۇرلىحانوۆ, جاقسىلىق ۇشكەمپىروۆتىڭ ومىردەگى اعاسى ءسات توقپاقباەۆ قاتىسىپ, قۇتتىقتاۋ ءسوز سويلەدى.
استانا قالاسى اكىمىنىڭ ورىنباسارى ەرلان بەكمۋرزاەۆ جارىس قاتىسۋشىلارىنا ساتتىلىك تىلەي وتىرىپ, الداعى ۋاقىتتا دا وسىنداي تۋرنيرلەر ءجيى وتەتىندىگىن ايتتى.
«بارشاڭىزدى وليمپيادا جەڭىمپازى, قازاقستاننىڭ ەڭبەك ەرى, جاقسىلىق ۇشكەمپىروۆتى ەسكە الۋعا ارنالعان حالىقارالىق ءتۋرنيردىڭ اشىلۋىمەن قۇتتىقتايمىن. داڭقتى سپورتشى جاھان جۇرتىنا ەلىمىزدى تانىتىپ قانا قويماي, تالاي قايىرىمدى ىستەرىمەن ەستە قالدى. جاستاردى وتان سۇيگىشتىككە تاربيەلەپ, تۋىپ وسكەن اۋىل-ايماعىن كوركەيتۋگە اتسالىستى. وليمپيادا چەمپيونى جاقسىلىق ۇشكەمپىروۆ جاستاردىڭ سپورتقا بەت بۇرۋىنا كوپ ىقپال ەتتى. ءتۇرلى حالىقارالىق جارىستاردى ۇيىمداستىرىپ, وسكەلەڭ ۇرپاقتىڭ سالاۋاتتى ءومىر سالتىن ۇستانىپ, ولاردىڭ ءىرى دودالاردا توپ جارۋى ءۇشىن دە ايانباي ەڭبەك ەتتى. ءبىرتۋار ازاماتتىڭ جۇرگەن جولى, اتقارعان ءىسى كوپكە ۇلگى. حالقىمىزدىڭ ءبىرتۋار پەرزەنتىنىڭ ەسىمىن ۇلىقتاپ, ەڭبەگىن باعالاۋ جولىندا بۇگىنگىدەي ءىس-شارانىڭ ماڭىزى زور ەكەندىگىن ايتقىم كەلەدى. الداعى ۋاقىتتا دا ءدۇبىرلى دودا ءوز جالعاسىن تاباتىن بولادى. بايراقتى باسەكەگە قاتىسۋشىلارعا ساتتىلىك تىلەيمىن», دەدى ەرلان بەكمۋرزاەۆ.
قاتىسۋشىلار سپورتتىق ءىس-شارانىڭ اشىلۋ سالتاناتىندا جاقسىلىق ۇشكەمپىروۆتى ءبىر مينۋت ۇنسىزدىكپەن ەسكە الدى.
الداعى كۇندەرى ەلىمىزدىڭ ءار وڭىرىنەن كەلگەن بالۋاندارمەن قاتار قىرعىزستان, وزبەكستان تاجىكستان, ازەربايجان جانە ءيزرايلدىڭ ۇزدىك 164 سپورتشىسى ءوزارا 10 سالماقتا سىنعا تۇسەدى.
العاشقى كۇنگى بەلدەسۋدەن كەيىن فينالعا شىققان بالۋاندار: 55 كگ: ارسەن جۇما (قازاقستان) - ايبەك ايتبەكوۆ (قازاقستان); 63 كگ: جانتورو ميرزاليەۆ (قىرعىز رەسپۋبليكاسى) - دامير يبراشەۆ (قازاقستان); 72 كگ: رۋسلان نۋرۋللاەۆ ء(ازىربايجان) - نۇرداۋلەت تۇرسىن (قازاقستان); 82 كگ: يسلام ەۆلوەۆ (قازاقستان) - يسمايل رزاەۆ ء(ازىربايجان); 97 كگ: نۇرتاس قىدىرباەۆ (قازاقستان) - باحرام كۋربانوۆ (قىرعىز رەسپۋبليكاسى). بۇگىن, وسى سالماقتاعى بارلىق جۇلدەگەر انىقتالادى.
استانا تورىندە 3-ءشى رەت ۇيىمداستىرىلىپ وتىرعان حالىقارالىق تۋرنير مامىردىڭ 18-نە دەيىن جالعاسادى.
