ارىز-شاعىمدار قارالدى

پروكۋراتۋرا ورگاندارىنىڭ قاداعالاۋ جۇيەسىنىڭ باستى باسىم باعىتتارىنىڭ ءبىرى – جەكە جانە زاڭدى تۇلعالاردىڭ ارىز-شاعىمدارىن تولىققاندى جانە ۋاقىتىلى قاراۋ بولىپ تابىلادى. ارىزدانۋشىنىڭ شاعىمدارىن جانە دالەلدەرىن مۇقيات تەكسەرۋگە, بۇزىلعان قۇقىقتاردى قالپىنا كەلتىرۋ جونىندەگى شارالارعا باستى نازار اۋدارىلادى. اعىمداعى جىلدىڭ 5 ايى ىشىندە باس پروكۋراتۋرانىڭ لاۋازىمدى تۇلعالارى وتكىزگەن جەكە قابىلداۋ بارىسىندا 139 شاعىم ءتۇستى. ولاردىڭ ىشىندە 27 ارىز قاناعاتتاندىرىلىپ, 78-ءى كەرى قايتارىلدى, 15-ءى بويىنشا قۇقىقتىق تۇسىنىكتەر بەرىلدى. باس پروكۋروردىڭ جەكە قابىلداۋىنا تۇسكەن 47 شاعىمنىڭ كوبىسى سوت اكتىلەرىنىڭ زاڭدىلىعىمەن كەلىسپەۋمەن بايلانىس­تى. شاعىمدانۋشىلار جەدەل ىزدەستىرۋ ورگا­ن­دارىنىڭ, سونداي-اق الەۋمەتتىك-ەكونوميكالىق سالانىڭ لاۋازىمدى تۇلعالارىنىڭ ارە­كەت­تەرىنە نارازىلىق بىلدىرەدى. ولاردىڭ ءدا­لەلدەرىن زەردەلەۋ ناتيجەسىندە 8 ارىز قاناعاتتاندىرىلدى. مىسالى, «ەلىم-اي» تۇرعىن-ءۇي كە­شە­نى­نىڭ وكىلى چ.ۆاليەۆتىڭ ارىزى قارالىپ, قورىتىندىسى بويىنشا الاياقتىقپەن اي­نا­لىسقان تۇلعالارعا قاتىستى توقتاتىلعان قىل­مىستىق ءىستىڭ قاۋلىسىنىڭ كۇشىن باس پروكۋراتۋرا جويىپ, الماتى قالاسىنىڭ پروكۋرورىنا قوسىمشا تەرگەۋ امالدارىن جۇرگىزۋدى تاپسىردى. سونىمەن قاتار, ن.قورعامبەكوۆانىڭ ءوتىنىشى قاناعاتتاندىرىلدى ياعني, ارىزدانۋشى مەن «قازاق كوز اۋرۋلارى عىلىمي-زەرتتەۋ ينستيتۋتى» اق-تىڭ اراسىنداعى ەڭبەك داۋىنىڭ سوت اكتىسى بويىنشا جوعارعى سوتقا قاداعالاۋ نارازىلىعى ەنگىزىلدى. «ونلاين» بەينەكونفەرەنتسيالىق جۇيەسىن قولدانۋ ارقىلى پروكۋراتۋرا باسشىلارىنىڭ تۇرعىنداردى قابىلداۋى قولايلى جانە ءتيىمدى تاسىلگە اينالىپ وتىر. بۇل نورما باس پروكۋرور بەكىتكەن ازاماتتاردى قابىلداۋ ەرەجەسىندە بەلگىلەنگەن. جاڭا فورمات, ەڭ الدىمەن, ۋاقىتتى جانە ماتەريالدىق قاراجاتتى ۇنەمدەۋ, تۇرعىنداردىڭ تۇرعىلىقتى جەرىنەن الشاقتاماي وزدەرىنىڭ وتىنىشتەرىن كەز كەلگەن دەڭگەيدەگى پروكۋراتۋرا باسشىلارىنا بايانداۋ جاعىنان ىڭعايلى جانە پايدالى. سوندىقتان دا قازىرگى تاڭدا ادامدار پروكۋرورلارمەن وسى فورماتتا حابارلاسۋعا ىنتالى. باس پروكۋراتۋرا باسشىلارى بەينەكونفەرەنتسيا جۇيەسى ارقىلى جىل باسىنان بەرى 27 ادامدى قابىلدادى, دەپ حابارلادى باس پروكۋراتۋرانىڭ ءباسپاسوز قىزمەتى.