پارلامەنت

الەۋمەتتىك ماسەلەلەر قوزعالعان كەزدەسۋلەر ءماجىلىس دەپۋتاتتارى ايماقتارعا ساپارلارى شەڭبەرىندە «مەملەكەتتىك جاستار ساياساتى تۋرالى» زاڭ جوباسى تالقىلانعان كەڭەسكە قاتىستى. بۇۇ (يۋنيسەف) بالالار قو­رى­نىڭ قىزمەتكەرلەرى مەن «جاس­تار ساياساتىنىڭ زەرتحاناسى» ۇيى­مىنىڭ ۇلىبريتانيا, كانادا, ير­لانديا ەلدەرىنەن جاستار ساياساتى جونىندەگى ساراپشىلار مەن ۇكىمەتتىك ەمەس ۇيىمدار وكىلدەرى استانادا باس قوستى. ولار جاستار ساياساتى سالاسىنداعى ءوز ەلدەرىنىڭ الدىڭعى قاتارلى تاجىريبەلەرىن ورتاعا سالىپ, وزەكتى ماسەلەلەرىن تالقىلادى. كەڭەستە ءسوز العان ءماجىلىستىڭ الەۋمەتتىك-مادەني دامۋ كومي­تەتىنىڭ حاتشىسى مايرا اي­سينا اتالعان زاڭ جوباسى حالىق­­ارا­لىق تاجىريبەلەر دەڭگەيىن­دە تال­قىلانىپ جاتقا­نى­نىڭ ماڭى­زىنا توقتالدى. سونى­مەن بىرگە, دەپۋتات قازاقستان جاس­تاردىڭ دامۋ ين­دەكسى بويىنشا 30 ەل قاتارىنا ەنگەنىن اتاپ ءوتتى. بۇل جەتىستىككە ەلى­مىز الدىمەن ءبىلىم الۋداعى جو­عا­رى كورسەتكىشتەرى مەن جاستار ارا­سىنداعى جۇ­مىسسىزدىق كورسەت­كىشتەرىنىڭ تومەندىگى ارقاسىندا جەتكەن بولاتىن. ءماجىلىس دەپۋتاتتارى ەرسۇلتان بەكتۇرعانوۆ پەن جانات جاراسوۆ پاۆلودار وبلىسىنا ساپارلارى شەڭبەرىندە «نۇر وتان» پارتياسىنىڭ ەكىباستۇز قالالىق فيليالىندا ازاماتتارعا قابىلداۋ جۇرگىزدى. ەكىباستۇزدىقتار ءۇشىن ەڭ وزەكتى ماسەلە – مەديتسينالىق ءجار­دەم قىز­مەتى بولىپ تۇر ەكەن. ول مە­دي­تسينالىق قىزمەت كورسە­تۋدىڭ كەپىلدى كولەمىن ۇلعايتۋ, ءدارى-دارمەكتەردىڭ ساپا­سى, دەنساۋلىق ساقتاۋ مەكەمە­لەرىن مە­دورگتەحنيكامەن قامتا­ماسىز ەتۋ ماسەلەلەرى. ماجىلىسمەندەردىڭ قا­بىل­داۋىنا كەلگەندەر مۇمكىندىگى شەك­تەۋلى جاندارعا مەملەكەت تاراپىنان كورسەتىلەتىن كومەكتىڭ ناقتى قارجىمەن جاسالۋىن ءوتىندى. سونىمەن بىرگە, ەكىباستۇزدىقتار قالادا تۇرمىستىق زورلىق-زومبى­لىققا ۇشىراعان ايەلدەر مەن بالا­لارعا ارنالعان ورتالىقتىڭ جوق­تىعى مەن ءومىردىڭ قيىندىعىنا ۇشى­راعان ايەلدەرگە ارنالعان ورتا­لىق اشۋ قاجەتتىگىن ماسەلە ەتىپ كوتەردى. ەكىباستۇزدىقتاردىڭ ماسە­لە­لەرىن دەپۋتاتتار باقىلاۋدا ۇس­تاپ, بىرقاتارى جەرگىلىكتى جەردە ءتۇ­سىندىرىلىپ, كەيبىرى ساۋال رەتىندە ءتيىستى مينيسترلىكتەر مەن اگەنتتىكتەرگە جىبەرىلەتىن بولدى. پارلامەنت ءماجىلىسىنىڭ دەپۋتاتى ءامىرحان راحىمجانوۆ شىعىس قازاقستان وبلىسىنىڭ ۇلان اۋدانىنىڭ ءماس­لي­حا­تىنداعى «نۇر وتان» پارتياسى دەپۋتاتتىق فراكتسياسىنىڭ مۇشەلەرىمەن كەزدەستى. كەزدەسۋگە شقو «نۇر وتان» پارتياسى فيليالى توراعا­سىنىڭ ءبىرىنشى ورىنباسارى ت.ءتۇ­سىپبەكوۆ, ۇلان اۋدانىنىڭ اكىمى ب.باياحمەتوۆ, «نۇر وتان» پارتياسى ۇلان اۋداندىق فيليالى ءتورا­عاسىنىڭ ءبىرىنشى ورىنباسارى س.اسىلباەۆ جانە اۋداننىڭ ءماسليحات دەپۋتاتتارى قاتىستى. ءا.راحىمجانوۆ ءوڭىر دەپۋتات­تارىنا ەلباسى جولداۋىنىڭ ماڭى­زى مەن پارتيانىڭ نەگىزگى جۇ­مىس ماقساتتارى, پارلامەنتتىڭ زاڭ شىعارماشىلىق قىزمەتى جايىندا اڭگىمەلەپ بەردى. دەپۋتاتتار ماجىلىستەگى ءارىپ­تەستەرىنە كوڭىلدەرىندەگى سۇراق­تارىن قويىپ, ءتيىستى جاۋاپتار الدى. دەپۋتات قىزمەتتىك ساپارى بارىسىندا ۋكراينكا اۋىلىنداعى مەكتەپ قۇرىلىسىمەن, «جەر-سۋ» قوجالىعىنىڭ ساياجايى جانە تاۆريا اۋىلىنىڭ الەۋمەتتىك مەكە­مەلەرى, جيھاز جاساۋ تسەحى جۇ­مىستارىمەن تانىسىپ, اۋدان جانە اۋىلدىق وكرۋگ اكىمدەرىمەن كەزدەستى. ءماجىلىس دەپۋتاتى, «نۇر وتان» پارتياسى پارلامەنتتىك فراكتسياسىنىڭ مۇشەسى نۇرتاي سابيليانوۆ شىعىس قازاقستان وبلىسىنىڭ شەكارالاس زايسان جانە كۇرشىم اۋداندارىنىڭ 15 ەلدى مەكەنىندە سايلاۋشىلارمەن 18 كەزدەسۋ وتكىزدى. بۇل كەزدەسۋلەر زايسان اۋدا­نىنىڭ زايسان قالاسى, اينابۇلاق, دايىر, قۋانىش جانە قاينار اۋىلدارىندا, كۇرشىم اۋدانىنىڭ سارىولەڭ, بۋراباي, مارالدى, كۇرشىم, قۇيعان, اقسۋات, تەرەكتى, قالجىر, بوران, قويتاس اۋىلدارىندا ءوتتى. دەپۋتاتپەن كەزدەسۋگە كەلگەن تۇرعىندار كاسىپكەرلىكتى دامىتۋعا ارنالعان نەسيەنىڭ قولجەتىمدى بولۋىن قامتاماسىز ەتۋ, جاستاردى جۇمىسپەن قامتۋ, تۇرعىن ءۇي سالۋ, جول جوندەۋ, اۋىز سۋ, مە­دي­تسينالىق كومەكتى جاقسارتۋ, اۋرۋحانالاردى كۇردەلى جوندەۋ, ەلدى مەكەندەردى گازبەن قامتاماسىز ەتۋ, ينفراقۇرىلىمدى قالپىنا كەلتىرۋ, اۋىل شارۋاشىلىعى ونىمدەرىن وڭدەيتىن كاسىپورىندار اشۋ, ەڭبەك وتىلىنە بايلانىستى ەڭ تومەنگى زەينەتاقىنى ارتتىرۋ جانە باسقا دا الەۋمەتتىك ماسەلەلەردى كوتەردى. سونىمەن بىرگە, تۇرعىندار شەكارا ماڭىنداعى ەلدى مەكەندەر­دى دامىتۋعا نازار اۋدارىلۋىن سۇ­رادى. سايلاۋشىلارمەن بولعان كەز­دەسۋلەردە حالىق قالاۋلىسى مەملەكەت باسشىسىنىڭ حالىققا بيىلعى جولداۋى, پارلامەنتتىڭ زاڭ شىعارۋ قىزمەتى, «نۇر وتان» پارتياسىنىڭ جۇمىسى تۋرالى جان-جاقتى بايانداپ بەردى. كەزدەسۋلەر بارىسىندا ن.سا­بيليانوۆ ازاماتتاردى ءوز وتىنىشتەرى بويىنشا جەكە قابىلداۋ جۇرگىزدى, پارتيانىڭ اۋدان­دىق ماسليحاتتارداعى فراكتسيا مۇشەلەرىمەن كەزدەستى جانە «نۇر وتان» پارتياسى مۇشەلەرىنە جاڭا پارتيالىق بيلەتتەر تابىس ەتىپ, ەلدى مەكەندەردىڭ الەۋمەتتىك نىساندارىن ارالاپ كوردى, دەپ حابارلادى ءماجىلىستىڭ ءباسپاسوز قىزمەتى.