جاس وتباسىلار «سەرىكتەس», «كىم جۇيرىك؟», «باسكەتبول», «بوۋلينگ» دەپ اتالاتىن ءتورت كەزەڭنەن تۇراتىن باسەكەدە باق سىنادى. يگى ءىس-شارانىڭ اشىلۋىندا ءسوز العان وبلىس اكىمىنىڭ ورىنباسارى بەيسەن تاجىباەۆ بايقاۋدىڭ وتباسىلىق قۇندىلىقتاردى نىعايتۋداعى ماڭىزدىلىعىنا توقتالىپ, قاتىسۋشىلارعا ساتتىلىك تىلەدى.
«مەملەكەت تۇراقتى دامۋى ءۇشىن ءار وتباسىندا تاتۋلىق, بىرلىك, بەرەكە بولۋى كەرەك. بۇل رەتتە دەموگرافيالىق ءوسىمى جوعارى تۇركىستان وبلىسى ءۇشىن وتباسى قۇندىلىقتارىن دارىپتەۋدىڭ ماڭىزى زور. ويتكەنى التىن قۇرساقتى, كوپبالالى انالاردىڭ باسىم بولىگى ءبىزدىڭ وبلىستا تۇرادى. ءوڭىرىمىز – جاستار سانى بويىنشا دا الدىڭعى قاتاردا. قازىرگى تاڭدا وبلىستا 4 مىڭنان اسا وتباسى بار جانە جىل سايىن مىڭداعان جاس شاڭىراق كوتەرەدى. بۇگىن, مىنە, وتباسىنداعى سىيلاستىق, ەڭبەكقورلىق, ادامگەرشىلىك قاسيەتتەرىمەن دارالانعان وتباسىلار سىنعا ءتۇسىپ, وزدەرىنىڭ ۇيىمشىلدىعىن كورسەتىپ جاتىر», دەدى بەيسەن داۋلەت ۇلى.
سايىس ناتيجەسىندە وتباسىنداعى جاراسىمدىلىعىمەن ەرەكشەلەنىپ, ۇرپاقتار ساباقتاستىعىنىڭ قايتالانباس ۇلگىسىن كورسەتكەندەر جۇلدەلى ورىندارمەن ماراپاتتالدى.
سونداي-اق سوزاق اۋدانى شولاققورعان اۋىلىنداعى ورتالىق ستاديوندا مەرەكە قارساڭىندا اۋدان اكىمدىگى مەن «باق نۇرى» ىسكەر ايەلدەر قوعامدىق بىرلەستىگىنىڭ ۇيىمداستىرۋىمەن العاش رەت قىز-كەلىنشەكتەر اراسىندا جۇگىرۋ مارافونى ۇيىمداستىرىلدى. سالاماتتى ءومىر سالتىن ۇستانۋ مەن بۇقارالىق سپورتتى ودان ءارى دامىتۋعا ارنالعان ءىس-شاراعا اۋدان اكىمى مۇحيت تۇرىسبەكوۆ قاتىسىپ, بۇگىندە ءوز ءىسىن دوڭگەلەتىپ وتىرعان ىسكەر ايەلدەر مەن وتباسىلىق قۇندىلىقتاردى ساقتاۋدا كوپشىلىككە ۇلگى بولىپ وتىرعان كوپبالالى انالار جانە قىز-كەلىنشەكتەردەن قۇرالعان «باق نۇرى» ىسكەر ايەلدەر قوعامدىق بىرلەستىگىنىڭ الداعى جۇمىستارىنا ساتتىلىك تىلەپ, ءىس-شارانىڭ ماڭىزىن اتاپ ءوتتى.
مەرەكەگە وراي ۇيىمداستىرىلعان مارافونعا اۋداندا ءتۇرلى سالادا قىزمەت ەتىپ جۇرگەن 150-گە جۋىق قىز-كەلىنشەك قاتىستى.
تۇركىستان وبلىسى
