حالىقارالىق بوكس قاۋىمداستىعىنىڭ (IBA) باسشىسى ومار كرەملەۆ 2025 جىلى وتەتىن الەم بىرىنشىلىگىنىڭ جۇلدە قورى ەكى ەسە ۇلعاياتىنىن حابارلادى .
«2025 جىلعى الەم چەمپيوناتىنىڭ جۇلدە قورى 10 ملن دوللاردى قۇرايدى. مەن ءوز ەلىڭنىڭ نامىسىن قورعاۋ ماڭىزدى ەكەنىن بىلەمىن, بىراق اقشا تابۋ, ءوزىڭنىڭ جانە وتباسىڭنىڭ جاعدايىن جاساپ, قامتاماسىز ەتۋ دە ماڭىزدى. تاشكەنتتە وتكەن الەم چەمپيوناتىندا بەسىنشى ورىن العان بوكسشىلار دا ماراپاتتالادى, ولار ءۇش مىڭ دوللاردان الادى. ال كەلەسى الەم چەمپيوناتىندا بەسىنشى ورىن العان بوكسشىلار ون مىڭنان الادى», دەدى IBA باسشىسى
ونىڭ ايتۋىنشا, سپورتشىلاردان باسقا, ولاردىڭ تالىمگەرلەرى دە اقشالاي سىيلىققا يە بولادى.
«تۋرنيردە جۇلدەلى ورىن العان بوكسشى العان قاراجاتىنىڭ 10%-ىن جاتتىقتىرۋشىعا بەرۋى ءتيىس. جاتتىقتىرۋشىلار دا چەمپيوناتتاردان اقشا تاپقانىن قالايمىن. مەنىڭ مىندەتىم – الەم چەمپيوناتىن بوكسشىلار ءۇشىن ەڭ ماڭىزدى تۋرنيرگە اينالدىرۋ. ءبىز ادالدىق پەن اشىقتىق ءۇشىن كۇرەسەمىز», دەپ قوستى كرەملەۆ.
وسى ورايدا IBA پرەزيدەنتى حالىقارالىق بوكس فەدەراتسياسىندا ءبارى اشىق بولاتىنىن اتاپ ءوتتى.
«IBA - بوكس ءۇيى. بىزدە ەشقانداي ساياسات جوق, تەك بوكس بار. ءبىز بوكسشىلاردىڭ, جاتتىقتىرۋشىلاردىڭ جانە فەدەراتسيانىڭ مۇددەلەرىن قورعايمىز», دەپ تۇيىندەدى ومار كرەملەۆ.
ايتا كەتسەك, بوكستان كەلەسى الەم چەمپيوناتى جاپونيانىڭ وساكا قالاسىندا وتەدى.
