وعان مەملەكەتتىك جانە جەكەمەنشىك مەكتەپ وقۋشىلارى, پەداگوگتەر مەن ءبىلىم بەرۋ ۇيىمدارىنىڭ قىزمەتكەرلەرى قاتىسىپ جاتىر.
وقۋ-جاتتىعۋ بارىسىندا ء«بىلىم بەرۋ وبەكتىلەرىندە تەرروريزمگە قارسى قورعاۋدى ۇيىمداستىرۋ جونىندەگى نۇسقاۋلىق» اياسىندا بەكىتىلگەن الگوريتمدەر تاجىريبە جۇزىندە پىسىقتالادى.
ء«ىس-شارا بارىسىندا مەكتەپ ۇجىمىنا تەرروريزمگە قارسى قورعاۋدى ۇيىمداستىرۋ جونىندەگى الگوريتمدەر نۇسقاماسى بەرىلىپ, ءتيىستى دەڭگەيدە ورىندالۋى قاداعالانادى. وقۋشىلارعا نۇسقاۋ بەرىلىپ, قىزمەتكەرلەر مەن ءبىلىم الۋشىلاردى جەدەل ەۆاكۋاتسيالاۋ ۇيىمداستىرىلادى. تەحنيكالىق قۇرالداردىڭ, ياعني دابىل تۇيمەسى, تۋرنيكەت جانە بەينەكامەرالاردىڭ جۇمىس ىستەۋى جانە دابىل تۇيمەلەرى ارقىلى شاقىرىلعان جاعدايدا جەكە كۇزەت ۇيىمدارىنىڭ جەدەل ارەكەت ەتۋى تەكسەرىلەدى», دەدى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
ايتا كەتەيىك, وقۋ-جاتتىعۋ تەك پروفيلاكتيكالىق ماقساتتى كوزدەيدى. ءبىلىم بەرۋ ۇيىمدارىن تەرروريزمنەن قورعاۋ, قاۋىپتىڭ الدىن الۋ ءۇشىن مۇنداي جاتتىعۋلار تۇراقتى جۇرگىزىلەدى.
وقۋ-جاتتىعۋدى جۇرگىزۋدەگى تۇپكى ماقسات – تەحنيكالىق قۇرالداردىڭ تۇراقتى جۇمىس ىستەۋىن باقىلاۋدان بولەك, قاۋىپ تونگەن جاعدايدا وقۋشىلار, مۇعالىمدەر مەن قىزمەتكەرلەردىڭ دۇرىس ءارى قاۋىپسىزدىكتى ساقتاپ, جەدەل ارەكەت ەتۋىنە باعدارلاۋ.
مينيسترلىك بالالاردىڭ قاۋىپسىزدىگىن ءجىتى نازارعا الىپ, مەكتەپتەردە تەرروريزمگە قارسى قورعاۋدى كەشەندى جۇرگىزۋگە باسىمدىق بەرىپ وتىر.
